LEXO PA REKLAMA!

SHKARKO APP

Zbulohet vrasësi i Arben Mërkurit?/ Kush i porositi vëllezërit Beqiraj dhe çfarë ndodhi me kaparin

4 Tetor 2022, 14:08, Aktualitet CNA

Zbulohet vrasësi i Arben Mërkurit?/ Kush i porositi

Dy vëllezërit, Indrit dhe Gentian Beqiraj, kanë hapur tashmë një “dosje voluminoze” me informacione krimesh dhe ngjarjesh me të cilat ata janë të implikuar.

Vrasje, hakmarrje dhe klanet kriminale, lidheshin me këta dy personazhe, të cilët ranë vetë në kurthin që tentuan t’i ngrinin policisë. Ata prej kohësh njiheshin si vrasës me pagesë dhe kishin marrë deri në 4 porosi për të vrarë të paktën 4 persona të ndryshëm.

Porosia e parë është marrë në Tiranë, pasi shumica e porosive vinin nga Tirana dhe Durrësi, ku Kasandër Noga, kishte kërkuar që të vritej një person dhe dy nipërit e tij në zonën e ‘Don Boskos’ në kryeqytet. Ata kanë ngatërruar objektivin dhe nuk kanë arritur të eliminojnë shënjestrën, por pa dashur është vrarë Erjon Çela, në datën 4 janar 2021 në “Don Bosko”.

Vrasja e dytë ishte porositur në Sukth të Durrësit, ku do të eleminohej shtetasi Arben Mërkuri. Ky i fundit dyshohej se ishte vrasës me pagesë vetë, dhe u vra 5 muaj më parë, pranë biznesit të tij në zonën e Sukthit.

Policia ka njoftuar se ende nuk dihet nëse Mërkuri është vrarë nga vëllezërit Beqiraj, apo dikush tjetër, por dy vëllezërit ishin porositur për ta vrarë e madje kishin marrë edhe një kapar prej 3.500 eurosh dhe kishin marrë një shtëpi me qera në zonën ku jetonte Mërkuri. Më tej policia shton se porosia për vrasjen e Mërkuri është dhënë nga Kevin Zeneli.

Sakaq në mesin e personave të arrestuar nga ky operacion kishte edhe punonjës të policisë së shtetit dhe ushtarakë./CNA.al

Lajmet e fundit nga