web counter
LEXO PA REKLAMA!

SHKARKO APP

App Store
Google Play

Hakerat ‘zbardhin’ listën e zezë të policisë/ Klodiana Lala: Nuk janë të dhëna nga sistemi "MEMEX", ja qëllimi

3 Tetor 2022, 21:36, Aktualitet CNA
Hakerat ‘zbardhin’ listën e zezë të policisë/
Gazetarja Klodiana Lala

Gazetarja Klodiana Lala ka komentuar sulmin kibernetik, ku hakerat kanë publikuar të dhënat që dyshohet se kanë rrjedhur nga sistemi "MEMEX".

E ftuar në emisionin "Open", Lala shprehet se nuk bëhet fjalë për të dhëna nga sistemi "MEMEX", por për një bashkim të dhënash që kanë si qëllim destabilizimin e vendit.

Megjithatë, Lala ka deklaruar se burimet thonë se jo vetëm "MEMEX", por edhe sisteme të tjera janë hakuar.

Ndër të tjera gazetarja tregon se policia e shtetit sot po punon manualisht.

“Shqetësimi që kam ngritur është se është një ngjarje e rëndë, si në sistemin TIMS edhe të tjera, autoritetet nuk duan ta pranojnë. Të dhënat e sotme, në pamje të parë, nuk më rezulton sistemi 'MEMEX' por personash të skeduar dhe në kërkim dhe nuk ngjan me 'MEMEX', i cili në thelb është bërthama, lënda fillestare e policisë së shtetit. Aty gjen cdo gjë për një emër të caktuar. Flasim për Ervis Martinajn që është i zhdukur, por çdo herë që është hetuar apo marrë në pyetje është e përfshirë në 'MEMEX'. Mënyra si është hedhur dhe anglishtja e përdorur, të lënë të mendosh që nuk është ky sistem. Por unë mendoj që 'MEMEX' është marrë. Kam biseduar me zyrtarë dhe në një nga drejtoritë kryesore në vend i kërkova një ndihmë  dhe më tha e kam të pamundur sepse nuk kemi asnjë material në kompjuterë dhe i kemi shkëputur nga sistemi e po punojmë manualisht. Sot policia e shtetit punon manualisht. Burimet më thonë që jo vetëm 'MEMEX', por edhe sisteme të tjera janë hakeruar.

E pyetur se çfarë mund të ndodhë nëse dalin të dhënat e sistemit 'MEMEX', Lala u shpreh:

“Në dijeninë time në rastin e Peleshit nuk me rezulton asnjë herë i skeduar. Listë kontigjentësh, më duket se është një miksim të dhënash. Kanë identitetin dhe asnjë të dhënë tjetër. Në mënyrë të qëllimshme mund të jetë bërë për të destabilizuar vendin.

Sulmet kibernetike bëhen ose për para ose destabilizim. Ne nuk kemi asnjë të dhënë që të jenë kërkuar para, pra mbetet destabilizimi dhe tensioni social.

Provova të blej një nga të dhënat që u nxorën dhe nuk e blej dot. Deri tani qeveria shqiptare nuk pranon se janë kërkuar para në këmbim të të dhënave”, tha Lala./ CNA.al





Lajmet e fundit nga