web counter
LEXO PA REKLAMA!

SHKARKO APP

App Store
Google Play

“Të dhënat e shtetit janë hakëruar”/ Lorenc Vangjeli: Shqipëria, në luftë

3 Tetor 2022, 19:23, Aktualitet CNA
“Të dhënat e shtetit janë hakëruar”/ Lorenc
Analisti Lorenc Vangjeli

Teksa ka komentuar sulmet kibernetike, analisti Lorenc Vangjeli ka deklaruar se Shqipëria është në luftë.

I ftuar në emisionin “Kontrast”, Vangjeli tha se të dhënat sensitive të shtetit shqiptar janë hakëruar duke e quajtur këtë si pjesë të një lufte nga një shtet armiqësor.

“Ky rast na bën të mendojmë dhe të debatojmë për parimin. Realiteti që ka ndodhur është se të dhëna sensitive të shtetit shqiptar janë hakeruar tashmë si pjesë e një lufte nga një shtet armiqësor.

Dilema më e madhe e jona është se çfarë do të bëjmë me to. Ne gazetarët nëse do t’i kalojmë pa filtër do t’i bënim një dëm shumë të madh vendit. Edhe jashtë kanë qenë shpesh situata të tilla dhe vendimet janë marrë për një filtër.

Jo vetëm nga ndërgjegjja profesionale e gazetarit, por edhe patriotike. Shqipëria është zyrtarisht në luftë dhe të gjithë kanë një zgjedhje dhe zgjedhja e tyre është: do të jenë me Republikën e Shqipërisë apo me agresorin! Të gjithë ata që janë duke bërë atë që po bëjnë janë vetëm kuislingë”, ka thënë Lorenc Vangjeli./ CNA.al





Lajmet e fundit nga