web counter
LEXO PA REKLAMA!

SHKARKO APP

App Store
Google Play

E fundit!

x

70% subvencion për familjet që vënë panele diellore/ Balluku zbulon hapat, si do të procedohet

3 Tetor 2022, 17:11, Aktualitet CNA
70% subvencion për familjet që vënë panele diellore/ Balluku
Zëvendëskryeministrja, njëherësh ministre i Infrastrukturës dhe Energjisë, Belinda Balluku

Zëvendëskryeministrja, njëherësh ministre e Infrastrukturës dhe Energjisë, Belinda Balluku, ka shpjeguar sot programin për subvencionimin me 70% të shumës për çdo familje që do të instalojë njësi diellore për ngrohjen e ujit.

Në një deklaratë për mediat, Balluku tha se do të hapet gara për kompanitë që do ofrojnë instalimin e paneleve diellore.

Më pas, qytetarëve do t’u jepet mundësia të aplikojnë për programin e vendosjes së paneleve. Qytetarët do të mund të zgjehdin nga lista një nga subjektet apo kompanitë që ofrojnë panelet dhe do të lidhin me ta një kontratë, ku do të paguhet vetëm 30% e shumës.

Pas kësaj, do të instalohet paneli diellor dhe subjekti do të kompensohet për 70% të parave nga Agjensia e Eficenës së Energjisë.

“Duke nisur nga 1 nëntori qytetarët do të kenë të drejtë të fillojnë dhe të aplikojnë përsa i përket programit të vendosjes së njësive gjeneruese nga dielli për ngrohjen e ujit.

Qeveria do të mbulojë 70% të kostos së produktit. Qytetari do të zgjedhi nga lista një nga subjektet fituese dhe do t’i drejtohet subjektit për të vazhduar punën me të, duke kryer pagesën vetëm 30% të produktit. Dhe më pas, pasi të jenë përfunduar të gjitha hapat, lidhja e kontratës, të bëhet pjesa e studimit, bëhet instalimi dhe më pas subjekti i cili ka lidhur kontratën me qytetarin do të marrë dhe kompensohet nga Agjensia e Eficenës së Energjisë me 70% e mbetur. Pra, qytetari do të jetë i qetë”, u shpreh ajo.

Zv.kryeministrja theksoi edhe njëherë se kjo paketë fillimisht do të ofrohet vetëm për 2000 abonentë.

“Secilit qytetar do t’i tregohet në momentin e aplikimit se i sati është në aplikim. Kjo fazë e projektit do të jetë e mundur për dy mijë abonentë. Kështu që qytetari që do të aplikojë do të shohë se është i 200-ti apo i 200 e ca”, nënvizoi Balluku./ B.A. – CNA.al





Lajmet e fundit nga