E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Çfarë janë ato të dhëna që janë publikuar sot nga hakerat?/ Si dhe pse gënjen policia

3 Tetor 2022, 15:56, Aktualitet CNA

Çfarë janë ato të dhëna që janë publikuar

Hakerat kanë publikuar ditën e sotme në rrjetin e komunikimit “Telegram” të dhënat për individë të skeduar për ngjarje kriminale nga sistemi policor MEMEX.

Mesditën e sotme policia e shtetit ka reaguar duke njoftuar se sistemi MEMEX nuk është hakeruar dhe se të dhënat e publikuara së fundmi nuk kanë lidhje me databazën e sistemit policor.

Mirëpo policia nuk sqaron se çfarë të dhënash janë ato që janë publikuar sot.

Çfarë janë ato lista, që janë hakeruar dhe bërë publike sot nga hakerat?

Policia në asnjë rresht të reagimit të saj, nuk e ka sqaruar këtë gjë.

Reagimi është i dobët. Për me tepër shumë i vonshëm, ndërkohë që emrat e mijëra personave të dyshuar si kontigjentë krimi apo të lidhur me kriminelë janë publikuar gjatë natës.

Për më tepër po sjellim të plotë reagimin e policisë.

Reagimi i policisë:

Nga deklarimet e bëra sot në media dhe referimet e këtyre deklarimeve, sipas të cilave janë marrë të dhëna nga sistemi MEMEX, sqarojmë opinionin publik se ky sistem nuk është prekur dhe se këto të dhëna nuk kanë të bëjnë fare me databazën e sistemit policor MEMEX.

Policia e Shtetit njofton se, deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.

Policia e Shtetit, në bashkëpunim të ngushtë me partnerët, po heton origjinën e rrjedhjes së këtyre të dhënave dhe apelon që, në zbatim të urdhrit të prokurorit, të datës 19.09.2022, të mos publikohen nga mediat audiovizive, të shkruara, online, në rrjete sociale apo në çdo formë të publikimit apo transferimit, të dhëna që postohen nga autorët e këtij sulmi kibernetik ndaj sistemeve digjitale të Policisë së Shtetit./CNA.al