web counter
LEXO PA REKLAMA!

SHKARKO APP

App Store
Google Play

E fundit!

x

Në prag të zgjedhjeve lokale/ Erion Veliaj hap garën për ndërtimin e Teatrit të ri Kombëtar

4 Tetor 2022, 15:49, Aktualitet CNA
Në prag të zgjedhjeve lokale/ Erion Veliaj hap garën për
Foto ilustruese

Në prag të zgjedhjeve lokale, kryebashkiaku Erion Veliaj, ka hapur garën për ndërtimin e godinës së Teatrit të ri Kombëtar.

Teatri do të ndërtohet sipas projektit të Bjarke Ingles, që u financua nga kompania FUSHA, e cila fillimisht do të ndërtonte teatrin me koncension, por më pas u tërhoq.

Fondi për fazën fillestare të punimeve është 1.8 miliardë lekë, ose 18 milionë euro.

Sipas njoftimit të tenderit publik, vlera e fondit limit për fazën e parë të punimeve për ndërtimin e Teatrit Kombëtar është 1 miliardë e 854 milionë lekë të rinj, ose afërsisht 18 milionë euro.

Tenderi për ndërtimin e godinës së Teatrit Kombëtar do të qëndrojë i hapur deri në në datën 3 nëntor, ku do të priten ofertat dhe më pas do të bëhet vlerësimi i tyre.

Sipas dokumenteve të njoftimit të tenderit, Bashkia e Tiranës do të kërkojë nga kompania fituese që të ndërtojë godinën e re të Teatrit Kombëtar brenda një afati prej 27 muajsh.

Financimi i ndërtimit të godinës së Teatrit Kombëtar do të bëhet nga buxheti i shtetit.

Në idenë fillestare, bashkia kishte negociuar paraprakisht ndërtimin e Teatrit Kombëtar me koncension nga kompania Fusha Shpk, e cila gjithashtu ka financuar dhe i ka dhuruar projektin e teatrit bashkisë së Tiranës, shkruan "Syri TV".

Si shpërblim, kompania private do të lejohej të ndërtonte kulla shumëkatëshe përbri teatrit kombëtar. Por pas shembjes së godinës monumentale të teatrit kombëtar, gjërat ndryshuan.

Gjykata Kushtetuese rrëzoi procedurën e shembjes së teatrit, që lejonte ndërtimin e godinës së re me koncension.

Bashkia e Tiranës njoftoi se kompania është tërhequr nga koncensioni, me pretendimin se nuk kishte kapacitete për ndërtimin e teatrit të ri kombëtar siç e kërkonin artistët.





Lajmet e fundit nga