web counter
LEXO PA REKLAMA!

SHKARKO APP

App Store
Google Play

E fundit!

x

"Zgjedhjet vendore, sfida reale e koalicionit opozitar"/ Alimehmeti: Duhet një ndryshim radikal

4 Tetor 2022, 18:04, Aktualitet CNA
"Zgjedhjet vendore, sfida reale e koalicionit opozitar"/ Alimehmeti:
Anëtari i Këshillit Kombëtar të PD, Ilir Alimehmeti

Anëtari i Këshillit Kombëtar të PD, Ilir Alimehmeti, i konsideron zgjedhjet vendore si sfidën reale të koalicionit opozitar kundë regjimit që ka kapur gjithçka.

Gjatë një interviste Alimehmeti u shpreh se , duhet bërë një ndryshim radikal, dhe të ketë jo vetëm hapje ndaj aleatëve por edhe ndaj simpatizantëve, shtresës gri, popullit, për të arritur në një koalicion parazgjedhor.

"Duhet një ndryshim radikal, hapje jo vetëm ndaj aleatëve, por edhe ndaj simpatizantëve, shtresës gri, popullit, për të arritur në një koalicion parazgjedhor sepse duhet të jemi gati në momentin e primareve këto biseda duhet të jenë të konkluduara. S'mund të shkosh në primare para se të kesh mbaruar punët brenda shtëpisë, koalicionit. Këtu mund të shkojmë me një front të gjerë, përtej logjikës të djathtë dhe të majtë”, tha Alimehmeti.

Alimehmeti më tej tha se duhet të jenë të gjithë të bashkuar kundër një regjimi.

“Kjo s’prek vetëm anëtarët e PD-së, por shtrenjtimi i çmimit të energjisë elektrike i prek të gjithë. Elementi kyç është shoqëria civile, të gjithë kundër një regjimi që na sjell në një ditë dëshpëruese”, u shpreh Alimehmeti.

Sa i përket aksionit të Partisë Demokratike, Alimehmeti deklaroi se kishin një aksion të parë të madh në protestën e 7 korrikut, që ishte një matje dhe një demonstrim i bashkimit ndërsa shtoi se duhet të ngrihen për protesta me një kauzë, duke kushtëzuar qeverinë.

“Duhet ta detyrojmë regjimin me kushte, jo vetëm me paraqitje për të treguar sa jemi. Ne e dimë mbështetjen. Kemi pedagogët që protestojnë, ka të bëjë me cilësinë e studentëve.

Janë në funksion të studentit dhe zhvillimit të vendit. Nevojat e shoqërisë civile, nevoja ekonomike, energjetikës, i shkohet me kërkesa konkrete palës në fuqi duke e kushtëzuar, duke përshkallëzuar veprimin nga protesta në protestë, drejt ngritjes së aksionit”, u shpreh Ali Mehmeti./ CNA.al





Lajmet e fundit nga