web counter
LEXO PA REKLAMA!

SHKARKO APP

App Store
Google Play

E fundit!

x

“Diskutuam hapjen e një konsullate në Bujanovc”/ Hoxha, takim me homologun serb

18 Prill 2026, 20:42, Aktualitet CNA

“Diskutuam hapjen e një konsullate në Bujanovc”/ Hoxha,

Ministri i Jashtëm, Ferit Hoxha ka zhvilluar një takim me homologun e tij serb, Marko Gjuriç, në kuadër të Forumit Diplomatik të Antalias. Hoxha shprehet në reagimin e tij në “X” se në takim u diskutua për hapjen e një Konsullate në Bujanovc.

Ndër të tjera ministri thotë se ka rikonfirmuar qëndrimin e Shqipërisë mbi rëndësinë e dialogut ndërmjet Kosovës dhe Serbisë, të ndërmjetësuar nga Bashkimi Evropian, si e vetmja rrugë e qëndrueshme drejt normalizimit të plotë të marrëdhënieve dhe njohjes reciproke.

Reagimi i plotë:

Sot, pata një takim me Ministrin e Punëve të Jashtme të Serbisë, Marko Gjuriç, në kuadër të Forumit Diplomatik të Antalias 2026.

Diskutimi ynë u përqendrua në avancimin e marrëdhënieve dypalëshe përmes dialogut konstruktiv dhe bashkëpunimit konkret, me synim forcimin e mëtejshëm të lidhjeve ekonomike dhe tregtare, duke vlerësuar rolin e tyre në nxitjen e zhvillimit të qëndrueshëm dhe të stabilitetit rajonal. Në këtë kuadër, mirëprita gatishmërinë e Serbisë për t’iu përgjigjur pozitivisht kërkesës sonë për hapjen e një Konsullate të Përgjithshme në Bujanovc.

Nënvizova domosdoshmërinë për të ruajtur, thelluar dhe forcuar bashkëpunimin rajonal si rruga më e besueshme drejt një të ardhmeje të përbashkët, duke lënë mënjanë retorikat e panevojshme dhe joproduktive. Shqipëria mbetet e përkushtuar të investojë në qartësinë e qëndrimeve të saj, në koherencën e politikës së jashtme, si dhe në forcimin e kontakteve mes njerëzve, duke kultivuar një brez të ri me vizion të qartë evropian.

Gjithashtu, pranuam se kemi qëndrime thelbësisht të ndryshme lidhur me Republikën e Kosovës. Rikonfirmova qëndrimin e qartë dhe të palëkundur të Shqipërisë mbi rëndësinë vendimtare të dialogut ndërmjet Kosovës dhe Serbisë, të ndërmjetësuar nga Bashkimi Evropian, si e vetmja rrugë e qëndrueshme drejt normalizimit të plotë të marrëdhënieve dhe njohjes reciproke, si një kontribut thelbësor për paqen e qëndrueshme dhe stabilitetin afatgjatë në rajon. /CNA





Lajmet e fundit nga