E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Gazetari: Flamur Golemi, nuk është i infektuar me SIDA, është i infektuar me smirë

18 Prill 2026, 15:44, Aktualitet CNA

Gazetari: Flamur Golemi, nuk është i infektuar me SIDA,

Flamur Golemi dhe Piro Dhima

Gazetari Bledi Mane ka reaguar përmes një postimi në rrjetet sociale, lidhur me raportimet se kryebashkiaku i Gjirokastrës, Flamur Golemi është infektuar me SIDA.

Mane shkruan se kryebashkiaku vuan prej një viti nga leuçemia e mëlçisë, ndërsa shton që flitet këto ditë për të është dhe më e rëndë sesa sëmundja nga e cila vuan.

Më tej shton se Golemi para një viti, i bëri një “lojë të ngjashme, duke i sajuar një video erotike mikut të tij Tërmet Peçit nga xhelozia”.

Gazetari shprehet se Golemi tashmë ndodhet vetë në të njëjtën situatë, ndoshta edhe më keq, pasi, sipas tij, akuzohet “për pornografi, tradhti edhe infektime masive”.

Postimi i plotë:

FLAMUR GOLEMI/ Nuk është i infektuar me sidë, është i infektuar me smirë

Ky që shikoni në foto majtas është kryetari i bashkisë së Gjirokastrës Flamur Golemi. Ka disa ditë që i ka rënë gjëma mbi kokë, pëshpëritet privatisht e mediatikisht sikur është infektuar me SIDA dhe gjatë marrdhënieve seksuale jashtëmartesore ka infektuar edhe 17 gra e burra të tjerë në zyrën e tij në bashki. Zyrtarisht Flamuri nuk është i prekur nga Sida, prej një viti vuan nga leuçemia e mëlçisë dhe kurohet. Kjo gjëma tjetër që i ndodhi këto ditë është më e rëndë se sëmundja që ka dhe duhet ta vuajë. E dini pse?

Vjet ky Flamur që shikoni në foto si burrë i keq e cinik province që është i bëri të njëjtën lojë të pistë shokut të tij Tërmet Peçi. Xheloz pse ky i fundit kandidoi për deputet i sajuan një video erotike të cilën nuk e pa askush. Video nuk kishte, nuk ka, nuk do të ketë por lëndimi mbeti pas, morrën më qafë një familjare në Këlcyrë të Përmetit, morrën më qafë edhe familjen e Tërmetit. Në këtë mesele të poshtër ka gisht edhe kryetari i bashkisë së Këlcyrës Klement Ndoni e të gjithë bashkë kujtuan se do dëmtonin ish kryebashkiakun e Tepelenës. Por ndodhi e kundërta, elektorati në qarkun e Gjirokastrës votoi masivisht dhe sot Tërmeti është deputet në parlament.

Viti kaloi shpejt dhe hakmarrja primitive u shërbye e ftohtë dhe më lënduese, sot Flamur Golemi akuzohet edhe për pornografi, edhe për tradhëti, edhe për infektime masive. Dhe më e bukura, në profesion Flamur Golemi është doktor, doktor që infekton e nuk shëron dot veten nga psikoza e sëmurë e një provinciali hajdut, cinik, xheloz e matrapaz. Nuk besoni? Këto që shkruaj nuk i them unë, ia thotë prokuroria Spak me 3 padi që ia ka ngritur.

Ndaj vuaj Flamur, vuaj jo dhimbjet e sëmundjes që nuk e ke, vuaj dhimbjet e turpit që të mbeti. Gropën që ia hape tjetrit vjet e le të hapur dhe ja ku po bie edhe vetë.

Ky që shikoni majtas në foto është kryebashkiaku Flamur Golemi, në mes janë lulet e kuqe të dashurisë dhe djathtas jarani i Flamurit. Quhet Piro Dhima, ish sportelist hoteli në Gjirokastër që Flamur Golemi e bëri deputet. Nuk dihen arsyet, po punohet për to. /CNA