web counter
LEXO PA REKLAMA!

SHKARKO APP

App Store
Google Play

20 automjete në terren/ Kontroll në burgun e sigurisë së lartë në Peqin

18 Prill 2026, 11:02, Aktualitet CNA

20 automjete në terren/ Kontroll në burgun e sigurisë së

Një operacion i gjerë kontrolli është zhvilluar në burgun e sigurisë së lartë në Peqin, një nga institucionet më të mëdha penitenciare në Shqipëri, ku kohët e fundit janë transferuar edhe persona të njohur të botës së krimit.

Operacioni ka nisur në orët e para të mëngjesit me urdhër të Drejtorisë së Përgjithshme të Burgjeve.

Në ndërhyrje janë angazhuar forca speciale të Drejtorisë së Përgjithshme të Burgjeve (të cilat kanë kryer kontrolle në çdo qeli, sektor dhe ambient të brendshëm të institucionit.

Në terren janë raportuar rreth 20 automjete të forcave operacionale, ndërsa një numër i madh efektivësh kanë marrë pjesë në aksion, duke treguar përmasat dhe rëndësinë e ndërhyrjes.

Gjatë kontrollit janë verifikuar hapësirat e brendshme të burgut, me fokus të veçantë te siguria, sendet e ndaluara dhe respektimi i rregullave të brendshme.

Megjithatë, deri në këto momente nuk ka një njoftim zyrtar mbi rezultatet konkrete të operacionit apo ndonjë masë të marrë ndaj të dënuarve apo stafit.

Burgu i Peqinit konsiderohet një nga institucionet më të rëndësishme të sigurisë së lartë në vend dhe shpesh është në fokus të kontrolleve të posaçme për shkak të profilit të lartë të disa të burgosurve.

Ky operacion vjen në një kohë kur sistemi penitenciar në Shqipëri përballet me sfida të vazhdueshme për garantimin e sigurisë dhe parandalimin e aktiviteteve të paligjshme brenda institucioneve të vuajtjes së dënimit./ CNA





Lajmet e fundit nga