web counter
LEXO PA REKLAMA!

SHKARKO APP

App Store
Google Play

Deputeti voton në parlament për veten dhe kolegun/ Tallet Kikia: Nuk kanë bërë etikë në shkollë

2 Shkurt 2023, 18:25, Aktualitet CNA
Deputeti voton në parlament për veten dhe kolegun/ Tallet Kikia: Nuk
Gazetari Mentor Kikia

Sot në parlament një prej deputetëve të PS, Baftjar Zeqaj, ka votuar për veten dhe kolgeun e tij për projektligjet. Ky moment është pikasur dhe ka sjellë reagime të shumta.

Gazetari Mentor Kikia, përmes ironisë, në rrjetet sociale, shkruan se nuk bëhet fjalë për një mungesë në parlament por për faktin se shumë projektligje janë votuar nga i njëjti person dy herë.

“Më fal moj studente, ka edhe shumë më keq se ti!

Para pak ditësh, në përfundim të orës së mësimit, studentët më dorëzuan listë-prezencën, ku secili kishte firmosur pjesëmarrjen. Me një sy tëshpejtë zbulova se kishte më shumë firma sesa studentë. U kërkova të tregonin se kush kishte firmosur për shokun-shoqen, por ata ishin solidare, nuk treguan.

Me një "ekspertim" të thjeshtë e zbulova kaligragfinë por doja sinqeritetin, meqë bëhet fjalë për lëndën e etikes.

Më në fund vajza që kishte hedhur dy firma për shoqet e veta, u dorëzua dhe kërkoi ndjesë. Shoqet që mungonin thjeshtë morën mungesë.

Por tani çfarë t’i them unë asaj studentes, që i bëra gjyq pse firmosi në emër të shoqeve që mungonin?

Çfarë t’i them ku ky deputeti këtu në foto po voton një ligj në emër të kolegut që nuk është.

Dhe nuk bëhet fjalë për një mungese, aty u miratuan shumë ligje në këtë mënyrë.

P.S: Besoj se problemi është se këta nuk kanë bërë "etikë" në shkollë”, shkruan Kikia./ CNA.al





Lajmet e fundit nga