web counter
LEXO PA REKLAMA!

SHKARKO APP

App Store
Google Play

Dita Globale e Zgjedhjeve/ Mesazh i përbashkët Celibashi-De Sanctis

2 Shkurt 2023, 09:52, Aktualitet CNA

Dita Globale e Zgjedhjeve/ Mesazh i përbashkët Celibashi-De Sanctis

Sot festojmë Ditën Globale të Zgjedhjeve, kur çdo vit shumë vende vlerësojnë kontributin e qytetarëve në proceset demokratike. 

Çdo shkurt, Komisioni Qendror i Zgjedhjeve (KQZ) dhe Prezenca e OSBE-së në Shqipëri, si partnerë afatgjatë, kanë kënaqësinë të nderojnë kuptimin e kësaj dite, duke theksuar rëndësinë e zgjedhjeve dhe të pjesëmarrjes së qytetarëve, si dy prej shtyllave kryesore të demokracisë.

Më 14 maj 2023, shqiptarët do të zgjedhin kryetarët e bashkive dhe anëtarët e Këshillave Bashkiakë, që do të drejtojnë qeveritë vendore, përgjatë katër viteve të ardhshme.

Votimi është sa i drejtë po aq dhe detyrë qytetare për të gjithë, si edhe një proces shumë i rëndësishëm për demokracinë në vend.

Prandaj, për të siguruar pjesëmarrjen në këto zgjedhje, hapi i parë është të kontrolloni emrin tuaj në listat paraprake të zgjedhësve të shpallura pranë zyrave vendore të Gjendjes Civile, të cilat i gjeni edhe në internet nëpërmjet aplikacionit të KQZ-së, faqes së KQZ-së dhe portalit e-Albania.

Sot, të gjithë ne duhet t’u kushtojmë vëmendje të posaçme të rinjve, veçanërisht atyre që do të votojnë për herë të parë më 14 maj.

Vota dhe vendimmarrja e tyre gjatë zgjedhjeve është tejet e rëndësishme!

Të rinjtë janë pjesë jetike e të gjitha proceseve demokratike dhe posaçërisht e zgjedhjeve, prandaj ne i nxisim fuqimisht të dalin ditën e zgjedhjeve për të votuar, si mjeti më i mirë për të thënë fjalën e tyre dhe për të luajtur rolin thelbësor që kanë në ndërtimin e së ardhmes së Shqipërisë.

KQZ-ja dhe Prezenca e OSBE-së do të vijojnë të mbështesin fort rritjen e pjesëmarrjes së të rinjve në zgjedhje, si edhe angazhimin e tyre në proceset demokratike transparente dhe gjithëpërfshirëse./CNA.al





Lajmet e fundit nga