web counter
LEXO PA REKLAMA!

SHKARKO APP

App Store
Google Play

E fundit!

x

Dalja e Shqipërisë nga lista gri e pastrimit të parave/ Çela: Rezultat i reformave dhe bashkëpunimit

14 Maj 2024, 11:11, Aktualitet CNA

Dalja e Shqipërisë nga lista gri e pastrimit të parave/

Në tetor të 2023-shit, Shqipëria doli nga lista gri për pastrimin e parave. 

Këtë fakt e përmendi në raportimin vjetor në Komisionin e Ligjeve Prokurori i Përgjithshëm, Olsian Çela.

Ky i fundit tha se dalja e Shqipërisë nga lista gri erdhi si rezultat i reformave dhe politikave të zbatuara në luftën kundër pastrimit të parave dhe financimit të terrorizmit.

Ai deklaroi se në këto fusha ka pasur bashkëpunim, transparencë dhe rezultate tepër pozitive të prokurorive të juridiksionit të përgjithshëm në hetimin e pastrimit të parave.

“Në seancën plenare të FATF, zhvilluar në datë 27 tetor 2023 në Paris, është vendosur dalja e Shqipërisë nga lista e juridiksioneve nën monitorim të shtuar, e njohur si “lista gri”. Ky rezultat ka ardhur ndër të tjera nëpërmjet reformave dhe politikave të zbatuara në luftën kundër pastrimit të parave dhe financimit të terrorizmit dhe veçanërisht si rezultat i gadishmërisë për bashkëpunim, transparencës së treguar dhe rezultateve tepër pozitive të prokurorive të juridiksionit të përgjithshëm në hetimin e pastrimit të parave. Për këtë Shqipëria nuk do t’i nënshtrohet më monitorimit të shtuar të FATF.

Rezultati i këtyre masave është progresi i evidentuar me rritjen e efektivitetit në hetimet për veprat penale të pastrimit të parave të parashikuara nga nenet 287 e 287/b të Kodit Penal. Të dhënat statistikore të vitit 2023 tregojnë se për veprat penale të parashikuara nga nenet 287 dhe 287/b të Kodit Penal, janë regjistruar 158 procedime penale të reja dhe 15 të pandehur, ndërkohë 14 procedime me 27 të pandehur u dërguan për gjykim dhe 22 të pandehur rezultojnë të dënuar. Në këtë periudhë vetëm për veprën penale të pastrimit të parave sipas nenit 287 të Kodit Penal janë regjistruar 156 procedime të reja me 11 të pandehur, dhe 11 procedime me 16 të pandehur janë dërguar për gjykim”, theksoi Çela./ CNA





Lajmet e fundit nga