web counter
LEXO PA REKLAMA!

SHKARKO APP

App Store
Google Play

E fundit!

x

“Deri ditën e fundit nuk e kishim sallë”/ Gjiknuri: Nuk kam parë takim më entuziast se ai në Athinë

13 Maj 2024, 21:52, Aktualitet CNA
“Deri ditën e fundit nuk e kishim sallë”/ Gjiknuri: Nuk
Damian Gjiknuri

Damian Gjiknuri e ka cilësuar si takimin më entuziast atë të kryeministrit Edi Rama në Athinë.

Në një intervistë në emisionin Debat në A2CNN, Gjiknuri u shpreh se, takime të tilla nuk janë bërë as në përmbyllje të fushatave. Ai pranoi se kishte dhe qytetarë nga Shqipëria që kishin shkuar në Athinë, por bëhej fjalë për një numër shumë të vogël.

“Vizita kishte edhe dimensionin kombëtar dhe politik, europian dhe në funksion të objektivave politikë që ka kryeministri Rama. Nuk kam parë takim më entuziast se ai i Athinës më shumë edhe se në takimet që janë bërë në Shqipëri as në përmbylljet e fushatave të zgjedhjeve ishte një lumë energji dhe ndjesi që të bënte krenar gjithçka ishte origjinale, asgjë e orkestruar. Ka pasur edhe qytetarë që kanë ardhur nga Shqipëria, por një pakicë e vogël”, tha ai. 

Gjiknuri ndër të tjera deklaroi se takimi ishte i organizuar nga PS dhe të gjithë njerëzit që lidhen me qarqet.

Ai theksoi se organizimi u bë në kushte të vështira pasi, deri ditën e fundit nuk e kishin ende të garantuar sallën.

“Natyrshëm që ky ishte takim i organizuar nga PS dhe të gjithë njerëzit që lidhen më qarqe. Athina është qyteti i dytë më i madh me shqiptarë, mund të jetojnë mbi 300 mijë shqiptarë. Ky ishte takim i mirëfilltë i PS. Një pjesë e deputetëve dhe bashkiakëve ishin për organizimin, që të nxisnin njerëzit, komunitetet e bashkatdhetarët që mund të jenë edhe votues të PS. Ky ishte qëllimi i mirëfilltë. Çdo tubim politik do organizim, përgatitje. Në kushte të vështira mos të harrojmë që deri ditën e fundit nuk kishim asnjë sallë të garantuar. Është elementi patriotik”, deklaroi Gjiknuri./ CNA

  





Lajmet e fundit nga