web counter
LEXO PA REKLAMA!

SHKARKO APP

App Store
Google Play

“Administrata të plotësojë reformat”/ BE: Sfidë, prokurimet publike dhe lufta ndaj korrupsionit

13 Maj 2024, 10:46, Aktualitet CNA

Është përmbyllur projekti financiar nga Bashkimi Evropian në ndihmë të administratës. Ambasadori i BE-së në Tiranë, Silvio Gonzato, në fjalën e tij tha se për “administratën publike ngelet sfidë zbatimi i prokurimeve publike, në mënyrë transparente”.

Sipas tij, administrata është faktor kyç në integrimin e vendit drejt BE-së, ndërsa i rikujtoi Shqipërisë detyrat që duhet të bëjë në këtë drejtim.

“Kjo fazë u ka dhënë 23 nëpunëse të rinj të administratës publike mundësinë për t’u formalizuar me legjislacionin e BE-së, por edhe me mënyrën si zyrtarë të administratës publike të BE-së punojnë. Siç u tha, vjen në një kohë mjaft të mirë, në kohën kur Shqipëria ka mbërritur në një fazë kritike në bisedimet për anëtarësim, një fazë ku rëndësia e administratës publike, një administratë publike, e cila është kompetente, që është e pavarur, që është transparente, është kyç për suksesin e Shqipërisë në negociatat e anëtarësimit”, u shpreh ai.

Administrata në Shqipëri, tha diplomati i BE-së, shpesh nënvlerësohet edhe pse ka një rol të rëndësishëm në mënyrën se si shpërnan fondet unioni evropian.

“Administrata është shtylla kurrizore e shtetit, makineria përmes së cilës përparësitë politike të një vendi zbatohen”, deklaroi ambasadori.

Gonzato tha se aministrata publike mendohet thjesht ajo që është në kryeqytet, por duhet parë më gjerësisht në gjithë vendin, pasi në bashkitë më të vogla ka mungesë kapacitetesh./ CNA





Lajmet e fundit nga