web counter
LEXO PA REKLAMA!

SHKARKO APP

App Store
Google Play

Nesër, protesta/ Teliti, thirrje qytetarëve: Doni ndryshim, ngrihuni të protestojmë

13 Maj 2024, 19:56, Aktualitet CNA
Nesër, protesta/ Teliti, thirrje qytetarëve: Doni ndryshim, ngrihuni
Nënkryetari i Këshillit Bashkiak, Dorian Teliti

Nënkryetari i Këshillit Bashkiak, Dorian Teliti u ka bërë thirrje qytetarëve që të bashkohen në protestën që do të mbahet ditën e nesërme në orën 11:00 para Bashkisë së Tiranës.

Teliti nënvizon se, ndryshimi vjen duke reaguar ndaj është shumë e rëndësishme që t’i përgjigjen pozitivisht protestës së thirrur nesër.

“Do ndryshim? Ngrihu të protestojmë nesër!

Ndryshimi nuk vjen asnjëherë nga pushtetarët. Ata duan status quo-n, duan privilegjet që kanë, duan të vazhdojnë në pafundësi të abuzojnë me taksat në kurriz të së ardhmes tonë.

Ndryshimi nuk vjen thjesht duke folur me familjarët në shtëpi apo me miqtë e shokët në një kafene.

Ndryshimi nuk vjen thjesht duke ëndërruar për të, nuk vjen as duke ndejtur duarkryq.

Do ndryshimin? Do ti japësh vetes dhe komunitetit një mundësi reale për jetesë dinjitoze? Do të jetosh në një vend ku në piedestal është njeriu dhe jo korrupsioni 100%? Ndryshimi vjen vetëm duke reaguar.

Ngrihu e protesto, të gjithë bashkë nesër në orën 11.00 para bashkisë për të kërkuar transparencë dhe dorëheqjen e Kryebashkiakut të Tiranës”, tha Teliti./ CNA





Lajmet e fundit nga