web counter
LEXO PA REKLAMA!

SHKARKO APP

E fundit!

x

Bashistët kundër rezolutës anti-SPAK të Xhafajt

13 Maj 2024, 22:53, Aktualitet CNA

Bashistët kundër rezolutës anti-SPAK të Xhafajt

Grupi i Bashës ka mbajtur qëndrim kundër rezolutës anti-SPAK të Fatmir Xhafajt.

Sipas Bashistëve qëllimi i vërtetë i kësaj draft rezolute është ndërhyrja në Reformën në Drejtësi.

Në një intervistë televizive, Enkelejd Alibeaj ka deklaruar se nëse mazhoranca do të luftojë korrupsionin duhet të bëhet vettingu i politikanëve.

Besniku i Bashës e sheh si të dyshimtë që pas 11 vitesh mazhoranca kujtohet të luftojë korrupsionin, duke theksuar se ky veprim vjen pasi ministra, kryebashkiakë dhe drejtorë po shkojnë drejt SPAK-ut.

“Si ka mundësi që kryeministri më i korruptuar, kujtohet pas 11 viteve që duhet të luftojë korrupsionin. Si duket ka një varg të madh me ministra, kryebashkiakë, drejtorë që po shkojnë drejt SPAK-ut dhe kam përshtypjen që edhe ky do shkojë drejt saj.

Publiku shqiptar është i ndarë në një raport 70% që e mbrojnë SPAK-un, ka tentuar që edhe ky të vjedhë pak nga lavdia e SPAK-ut.

Qëllimi real është që ky të ndërhyjë te Reforma në Drejtësi, pra te SPAK-u. Duam ta luftojmë korrupsionin? Heqim imunitetin. Politikanë që futen në politikë pa ashtu, dhe dalin të pasur...Ky është pozicionimi që kemi ne”, deklaroi Alibeaj./ CNA





Lajmet e fundit nga