web counter
LEXO PA REKLAMA!

SHKARKO APP

App Store
Google Play

Bursa e për gjuhën gjermane në universitetet bavareze/ Ambasada publikon procedurat e aplikimit

3 Shkurt 2026, 16:11, Aktualitet CNA

Bursa e për gjuhën gjermane në universitetet bavareze/ Ambasada

Ambasada e Gjermanisë në Shqipëri ka njoftuar se shteti i Bavarisë ofron bursa për kurse verore të gjermanishtes në universitetet bavareze.

Në njoftimin e bërë, thuhet se bursat mbulojnë tarifat e kursit, ushqimin dhe akomodimin.

Sa i përket aplikimit, ambasada njofton se mund të aplikohet përmes BAYHOST dhe kusht paraprak është njohja e gjuhës gjermane në nivel B1.

 

Njoftimi i ambasadës

 

Dëshironi ta kaloni verën në Gjermaninë Jugore?

Shteti i Lirë i Bavarisë ofron për vitin 2026 bursa për kurse verore të gjuhës gjermane në universitetet bavareze. Bursat për këto kurse në prezencë mbulojnë tarifat e kursit, akomodimin dhe ushqimin.

Kush mund të aplikojë?

Studentët dhe studiuesit e rinj nga të gjitha disiplinat akademike në Shqipëri dhe shumë vende të tjera në Evropën Jugore dhe Lindore mund të aplikojnë përmes BAYHOST. Kusht paraprak janë njohuritë në gjuhën gjermane të paktën në nivelin B1. Në kohën e aplikimit, studentët duhet të kenë përfunduar të paktën dy semestra në një universitet dhe ta dëshmojnë këtë përmes notave.

Si bëhet aplikimi?

Aplikimet duhet të dorëzohen vetëm përmes formularit online. Afati i fundit është 23 mars 2026. Informacione të mëtejshme rreth procesit të aplikimit dhe kurseve të gjuhës mund të gjenden në faqen e internetit të BAYHOST dhe në Facebook.

 





Lajmet e fundit nga