web counter
LEXO PA REKLAMA!

SHKARKO APP

App Store
Google Play

E fundit!

x

Besimtarët në Korçë të trishtuar për shuarjen e Janullatos/ Ndezin qiri në Katedralen "Ngjallja e Krishtit"

25 Janar 2025, 12:31, Aktualitet CNA

Besimtarët në Korçë të trishtuar për shuarjen e

Sot është një ditë e trishtuar e plot dhimbje për të gjithë besimtarët ortodoksë. Ndarja nga jeta e kryepeshkopit Anastas Janullatos ka prekur edhe besimtarët ortodoksë të qytetit të Korçës të cilët kanë shkuar pranë Katedrales "Ngjallja e Krishtit" për të ndezur qiri për shpirtin e kryepeshkopit.

Prej mëngjesit të sotëm, qindra besimtarë, pasi morën lajmin e hidhur të ndarjes së tij nga jeta, kanë bërë edhe lutjet e tyre pranë Katedrales.

Për Cna Tv, disa besimtarë kanë treguar se Janullatos ka qenë i pari që rindërtoi kishat në Shqipëri, ndërkohë që e quajnë bamirës dhe njeriun me shpirtin e madh. Në këtë ditë nuk munguan as ngushëllimet dhe lutjet e besimtarëve për shpirtin e kryepeshkopit.

"Ka qenë i pari që rindërtoi kishat në Shqipëri. Ne kemi besuar prej vitesh, që në kohën e Enverit, kemi shkuar nëpër kisha kur kemi qenë fëmijë të vegjël dhe tani kur erdhi kryepeshkopi e rindërtoi kishat, u gëzuam shumë. Për ndarjen e tij nga jeta na kaploi një trishtim shumë i madh. Kam ardhur këtu në kishë të ndez një qiri për shpirtin e tij. Të prehet në paqe siç e meriton."

"Sot u nda nga jeta kryepeshkopi Anastas, bamirësi i gjithë kishave ortodokse. Na ka ardhur shumë keq. Prandaj jemi në kishë sot për të ndezur qiri për shpirtin e tij. Perëndia ta ndjejë. I qoftë dheri i lehtë."

Prej pak kohësh, kryepeshkopi Anastas Janullatos ka patur komplikacione shëndetësore duke iu nënshtruar edhe ndërhyrjeve kirurgjikale, por nuk ka arritur të stabilizohet për shkak të gjendjes së rënduar shëndetësore duke u ndarë nga jeta mëngjesin e kësaj të shtune. Në nder të tij, pritet që të mbahet një meshë ditën e nesërme jo vetëm në Korçë por në të gjitha qytetet e Shqipërisë./ CNA





Lajmet e fundit nga