web counter
LEXO PA REKLAMA!

SHKARKO APP

App Store
Google Play

E fundit!

x

Shuarja e Anastas Janullatos/ Pritet njoftimi për ceremonitë në nder të Kryepiskopit

25 Janar 2025, 09:24, Aktualitet CNA

Shuarja e Anastas Janullatos/ Pritet njoftimi për ceremonitë në

Sinodi i Shenjtë i Kishës Orthodokse Autoqefale të Shqipërisë pritet të dalë me njoftimin zyrtar në lidhje me ceremonitë që do të zhvillohen në nder të Kryepiskopit Anastas Janullatos.

Fortlumturia e Tij, Anastas Janullatos u shua në moshën 95-vjeçare, pas qëndrimit shumë ditor në spitalin e Athinës.

Kryepiskopi ndërroi jetë si pasojë e funksionimit të pamjaftueshëm të shumë organeve.

Lajmin e hidhur e bëri të ditur Kisha Orthodhoske Autoqefale e Shqipërisë.

"Fjeti më Zotin Kryepiskopi i Tiranës, Durrësit dhe Gjithë Shqipërisë, ANASTASI.

Kisha Orthodhokse Autoqefale e Shqipërisë, me dhimbje të thellë, njofton fjetjen më Zotin të Kryepiskopit të Tiranës, Durrësit dhe të gjithë Shqipërisë, Fortlumturisë së Tij, Anastasit. Kryepiskopi ndërroi jetë sot, 25 Janar 2025, në orën 08:30 të mëngjesit, në moshën 95-vjeçare, në Spitalin "Evangelismos" të Athinës, si pasojë e funksionimit të pamjaftueshëm të shumë organeve. Më parë, ishte kuruar për disa ditë në Spitalin "Hygeia" të Tiranës.

Ftojmë besimtarët orthodhoksë të Kishës së Shqipërisë të luten për prehjen e shpirtit të Kryebariut të ndjerë.

Fortlumturia e Tij, Kryepiskopi Anastas, ishte rindërtuesi dhe rigjallëruesi i Kishës Orthodhokse Autoqefale të Shqipërisë, të cilën e ngriti tërësisht nga rrënojat pas rënies së regjimit ateist. Me vizionin hyjnor dhe punën e tij të palodhur, ai rindërtoi nga themelet jetën kishtare, ndërtoi qindra kisha, krijoi institucione arsimore dhe bamirëse, si dhe formoi një brez të ri klerikësh, duke ofruar një shërbesë të pandërprerë e sakrifikuese për më shumë se 33 vjet", thuhet në njoftimin e Kishës Orthodokse Autoqefale./ CNA





Lajmet e fundit nga