web counter
LEXO PA REKLAMA!

SHKARKO APP

App Store
Google Play

Ndarja nga jeta e Kryepiskopit Anastas/ Begaj: Shqipëria humbi udhëheqësin shpirtëror

25 Janar 2025, 08:57, Aktualitet CNA

Ndarja nga jeta e Kryepiskopit Anastas/ Begaj: Shqipëria humbi

Presidenti i Shqipërisë Bajram Begaj ka reaguar pas ndarjes nga jeta të Kryepiskopit të Gjithë Shqipërisë Anastas Janullatos.

Begaj, në mesazhin e tij, shprehet se sot Shqipëria humbi udhëheqësin shpirtëror.  

“Shqipëria humbi sot Fortlumturinë e tij, Kryepeshkopin e Tiranës, Durrësit dhe të gjithë Shqipërisë, Prof. Dr. Anastasin, udhëheqësin shpirtëror dhe figurën e shquar të Kishës Ortodokse Autoqefale të Shqipërisë.

Gjatë udhëheqjes së tij, Fortlumturia e tij ka udhëhequr Kishën me mençuri, përkushtim dhe dashuri për njerëzit, duke kontribuar në forcimin e saj dhe në krijimin e një rruge të re për besimin ortodoks shqiptar, veçanërisht pas periudhës së vështirë të kaluar. Ai ishte një shembull i palodhur i përkushtimit shpirtëror dhe një udhërrëfyes për të gjithë ata që e ndoqën.

Në këtë moment të dhimbshëm, shprehim ngushëllimet tona më të thella për Kishën dhe për gjithë besimtarët, që humbën atin dhe kryebariun e tyre, një udhëheqës të dashur dhe të nderuar. Trashëgimia e Fortlumturisë së tij do të mbetet gjithmonë e gjallë në zemrat e atyre që e nderuan dhe e donin.

Lutemi që Zoti t’i dhurojë prehjen në tendat e të drejtëve dhe qoftë kujtimi i tij i përjetshëm!”, shkruan Begaj./ CNA





Lajmet e fundit nga