web counter
LEXO PA REKLAMA!

SHKARKO APP

App Store
Google Play

E fundit!

x

Berisha tallet me Gjiknurin: Kur u pyet për Ahmetajn bënte mmmm

7 Shkurt 2024, 19:37, Aktualitet CNA
Berisha tallet me Gjiknurin: Kur u pyet për Ahmetajn bënte mmmm
Ish-kryeministri Sali Berisha

Ish-kryeministri Sali Berisha gjatë fjalës së tij në tubimin e pasdites së sotme para shtëpisë së tij është tallur me Damian Gjiknurin pasi ky i fundit iu shmang pyetjeve mbi Arben Ahmetajn gjatë deklaratës së një dite më parë për gazetarët.

“Miq mos harroni, kujtoni pak Damian Gjiknurin para gazetarëve. Ajo e pyeste për intervistën e Arben Ahmetajt, ai bënte mmmm. Kishte frikë se po i çelet goja”, tha Berisha.

Më tej Berisha ka theksuar se asnjë nga socialistët nuk përgjigjen për akzuzat e ish-zëvendëskryeministrit Arben Ahmetaj pasi janë të vërteta.

“Dhe meqë jemi këtu, le t’u bëjmë pak një pyetje Batonëve, Mjerove dhe Bolinove: Mor të nderuar, meqë Arben Ahmetaj nuk tha gjë, pse janë strukur, pse kanë heshtur, pse zbatojnë kodin e omertës hajdutët Edi Rama, Veliaj dhe të gjithë skapistët, ministrat e tij.

Pse nuk thanë një fjalë? Pse nuk hodhën poshtë akuzat e tmerrshme? Sepse ato janë të vërteta.

Pra, ditën kur Rruga e Shpresës lebetiti Edi Ramën dhe organizatën e tij kriminale, ju udhëhoqët dhe thyet çdo tabu në politikën shqiptare.

Më 5 shkurt, ju të dashur miq bëtë histori. Ju shembët një nga tabutë më të zeza të trashëguara nga e shkuara jonë diktatoriale.

Politika shqiptare nuk është më e njejtë që nga 5 shkurti, sepse ju dëshmuat se ndonëse mendoni ndryshe, ndonëse kemi kritikuar njëri-tjetrin, ndonëse kemi pasur përplasje me njëri-tjetrit dhe jemi parti e individit të lirë, kur vjen puna te interesi kombëtar, te vlera e lirisë, te demokracia, ne bëhemi një dhe i dalim zot vendit, i dalim zot pluralizmit, i dalim zot Shqipërisë.

Sepse miq, kjo është demokracia, ky është pluralizmi”, tha Berisha./ CNA





Lajmet e fundit nga