web counter
LEXO PA REKLAMA!

SHKARKO APP

App Store
Google Play

E fundit!

x

Gërdeci/ Gjykata, urdhër policisë të gjejnë sekretaren e ish-ministrit Bumçi

7 Shkurt 2024, 10:10, Aktualitet CNA
Gërdeci/ Gjykata, urdhër policisë të gjejnë sekretaren
Shpërthimi në Gërdec

Zhvillime të reja kanë dalë në lidhje me çështjen "Gërdeci". 

Gazetarja Klodiana Lala raporton se gjykata relatoi se Ministria e Drejtësisë i hapi rrugë një letërporosie në SHBA për marrjen e një dëshmitari në pyetje.

Gjykata urdhëroi policinë të gjejë dëshmitaren Anjola Agolli, sekretare e ish-ministrit të Drejtësisë, Aldo Bumçi. 

Çështja "Gërdeci" është për gjykim në SPAK. Seanca e radhës pritet të zhvillohet në 21 shkurt. 

Ndërkohë u përsërit thirrja për paraqitje për të bashkëpandehurit e tjerë, mes tyre Luan Hoxha, Dritan Minxolli dhe Mihal Delijorgji, të cilët nuk janë gjetur në adresat e deritanishme të çuara në gjykata.

Gjykata informoi se Ministria e Drejtësisë ka dërguar letërporosinë në SHBA për të marrë në pyetje Patrick Henry dhe përfaqësuesit e kompanisë SAK. Prokurori i SPAK-ut kërkoi në seancën e radhës se nëse do të jetë gati mund të pyetet edhe Mediu në cilësinë e të pandehurit. Ky i fundit tha për mediat se për këtë çështje do të komunikonte me avokatët.

Shpërthimi në Gërdec ndodhi më 15 mars të 2008, ku humbën jetën 26 persona. Gërdeci është fshat i Qarkut të Tiranës dhe shpërthimi ndodhi në një "fabrikë" për demontimin e armëve./CNA 

 





Lajmet e fundit nga