web counter
LEXO PA REKLAMA!

SHKARKO APP

App Store
Google Play

E fundit!

x

Dosja "Gërdeci"/ Zbardhet dëshmia e Shkëlzen Berishës në SPAK

27 Dhjetor 2023, 10:23, Aktualitet CNA
Dosja "Gërdeci"/ Zbardhet dëshmia e Shkëlzen
Shkëlzen Berisha

Shkëlzen Berisha ka dëshmuar sot për herë të parë në GJKKO për çështjen "Gërdeci", teksa u thirr si dëshmitar në seancën gjyqësore të Fatmir Mediut. 

Gazetarja Klodiana Lala ka zbardhur dëshminë e dhënë për Berishën në SPAK. Mësohet se Shkëlzen Berisha ka thënë se ditën që ndodhi shpërthimi në Gërdec ka qenë jashtë vendit. 

“Kam qenë jashtë vendit ditën e shpërthimit të Gërdecit. E kam mësuar ose nga media, ose nga bisedat me familjarët e mi ngjarjen, nuk e saktësoj dot. Me ish-ministrin e Drejtësisë, Aldo Bumçi, njihem. Kam me të marrëdhënie miqësore prej angazhimit të tij politik. Kam qenë në zyrën e tij kur ka qenë ministër. Nuk e them dot me saktësi sa herë, por kam qenë. Kemi bërë biseda personale, politike, familjare", ka thënë Shkëlzen Berisha. 

Mes të tjerash ai mohoi se ka dërguar faks në Ministrinë e Mbrojtjes. Ai u është drejtuar prokurorëve që ta gjejnë personin që ka dërguar faksin në emër të tij.  

“Për faksin e mbërritur në Ministrinë e Mbrojtjes nga Ministria e Drejtësisë me shënimin 'për z. Shkëlzen Berisha' kam marrë dijeni nga media. Faksi nuk është nisur nga adresa ime dhe as ka mbërritur në adresën time. Mënyra më e mirë për ju (u drejtohet prokurorëve të SPAK-ut) është ta gjeni cili e ka bërë. Nuk kam bërë ndonjë kallëzim për këtë fakt, pasi nuk kam pasur arsye, di që Bumçi ka bërë një kallëzim për 'falsifikim'. Fatmir Mediun e njoh që prej vitit 1994”, ka pohuar Shkëlzen Berisha./CNA





Lajmet e fundit nga