web counter
LEXO PA REKLAMA!

SHKARKO APP

App Store
Google Play

Muharrem Meko: Nëse denoncimet e Fundos do ishin marrë seriozisht, afera nuk do ishte thelluar kaq

6 Shkurt 2024, 22:55, Aktualitet CNA
Muharrem Meko: Nëse denoncimet e Fundos do ishin marrë seriozisht,
Gazetari Elvi Fundo

CNA prej vitesh ka denoncuar aferën e inceneratorëve, ndërsa mbrëmjen e sotme gazetari Elvi Fundo, në një intervistë për Adi Krastën, foli ndërrimin e aksionerëve të inceneratorit të Tiranës dhe për mediat e paguara.

Gazetari Muharrem Meko ka reaguar pas fakteve të denoncuara nga Fundo me anë të një statusi në rrjetet sociale.

Meko thotë se nëse denoncimet e Fundos do të ishim vlerësuar vite më parë, afera nuk do të ishte thelluar kaq shumë.

Ai kujton se si Benito Mussolini vari protagonistët e një afere të kësaj natyre në Itali, ndërsa krahason situatën.

“Sikur ta kishin vlerësuar denoncimin e Elvit, qysh në fillim, (këtu e afro 10 vjet), tashmë "inceneratorët" do të funksiononin në destinacion; e jo si sot që pa as më të voglin dyshim po kërkojnë të bluajnë "kokat" e zullumqarëve...!

... do të kishin shpëtuar banditët, e s'do të ishin zhytur deri në grykë!

...e për këtë t’ja dinin për nder Elvit!

Kam lexuar dikur, për një ndodhi të kësaj natyre, në Itali... në kohën e Musolinit; projekte të tëra për ura, rrugë, etj. që figuronin në letër, por asgjë në terren!

Musolini, pasi e konfirmoi një gjë të tillë, i vari protagonistët!

Shënim: Fillimisht as unë s’kam dashur ta besoj se "yryshi " i banditëve, do të shkelë mbi çdo princip, normë, moral apo edhe frikë prej ligjit, për t'u zhytur deri në grykë (!)

...po në fund të fundit prandaj edhe është thënë qysh në krye të herës se, llumi mbetet llum!”, shkruan Muharrem Meko./ CNA





Lajmet e fundit nga