web counter
LEXO PA REKLAMA!

SHKARKO APP

App Store
Google Play

E fundit!

x

Balla në takimin me banorët në Marikaj: Administrata publike, një nga sfidat kryesore

18 Prill 2026, 21:56, Aktualitet CNA

Balla në takimin me banorët në Marikaj: Administrata publike,

Drejtuesi Politik i PS-së për Qarkun Tiranë, Taulant Balla, ka zhvilluar gjatë ditës së sotme një takim me banorët në Marikaj.

Gjatë fjalës së tij, Balla tha se pushteti vendor e ka të vështirë që të përballojë i vetëm investimet infrastrukturore dhe problematika të tjera të zonës.

“Me buxhetin që ka, bashkia Vorë nuk mund t’i zgjidhë të gjitha problemet. Vetëm ndërhyrjet në rrugët dytësore do të kërkonin të gjithë fondin vjetor të investimeve. Bashkisë Vorë nuk i ka munguar mbështetja, por ne do të punojmë që kjo mbështetje të jetë edhe më e madhe”, tha Balla, duke shtuar se mbështetja e qeverisë mbetet vendimtare për zhvillimin e mëtejshëm të zonës.

Gjatë takimit u fol edhe për potencialin për zhvillimin e agroturizmit në Marikaj.

“Kjo zonë ka shumë mundësi zhvillimi. Marikaj është një kodër më vete dhe mund të kthehet në një pikë të rëndësishme për agroturizmin, pasi turizmi po sjell përfitime konkrete për ekonominë e vendit”, tha Balla.

Ai ngriti shqetësimin për punonjësit e administratës publike, duke e cilësuar atë si një nga sfidat kryesore, ndërsa u bëri thirrje banorëve që të denoncojnë çdo rast abuzimi.

“Problemi ynë nuk janë kundërshtarët politikë, por punonjësit e administratës që nuk u japin përgjigje qytetarëve. Vetëm duke i identifikuar me emra ata që nuk bëjnë detyrën, mund ta pastrojmë administratën”, deklaroi Balla. /CNA





Lajmet e fundit nga