web counter
LEXO PA REKLAMA!

SHKARKO APP

App Store
Google Play

E fundit!

x

Arratisja e të paraburgosurit në Durrës/ Reagon Drejtoria e Burgjeve 

13 Janar 2026, 13:42, Aktualitet CNA
Arratisja e të paraburgosurit në Durrës/ Reagon Drejtoria e
I paraburgosuri i arratisur, Altin Ndoci

Drejtoria e Përgjithshme e Burgjeve ka reaguar lidhur me arratisjen e të paraburgosurit në Durrës. Në deklaratën paraprake lidhur me ngjarjen, thuhet se Altin Ndoci është larguar nga ambientet e Spitalit të Durrësit, ku ishte shoqëruar për kryerjen e vizitave mjekësore.

Gjithashtu bëhet me dije se strukturat përkatëse janë vënë menjëherë në lëvizje dhe po punohet për lokalizimin dhe kapjen e tij, si dhe për sqarimin e plotë të rrethanave të ngjarjes.

Deklaratë paraprake:

I paraburgosuri Altin Ndoci është larguar nga ambientet e Spitalit Rajonal të Durrësit, ku ishte shoqëruar për kryerjen e vizitave mjekësore. Të gjitha procedurat mjekësore janë zhvilluar në repartin e infektivit, i cili ka repartin e sigurisë për të dënuarit.

Pavarësisht ndërhyrrjes së menjëhershme nga forcat e Policisë së Burgjeve për ndalimin e tij, Altin Ndoci ka arritur të largohet nga spitali. Strukturat përkatëse janë vënë menjëherë në lëvizje dhe po punohet intensivisht për lokalizimin dhe kapjen e tij, si dhe për sqarimin e plotë të rrethanave të ngjarjes.

Altin Ndoci, i cili ndodhet në burg që në vitin 2020, akuzohet nga SPAK-u si i përfshirë në disa vrasje. Konkretisht, Ndoci akuzohet për vrasjen e Besmir dhe Viktor Haxhisë, Anxhelo Avdiajt dhe Dorjan Shkozës. Ai cilësohet si një person me rrezikshmëri të lartë. /CNA





Lajmet e fundit nga