web counter
LEXO PA REKLAMA!

SHKARKO APP

App Store
Google Play

E fundit!

x

A do të përballet Erion Veliaj me drejtësinë?

13 Janar 2026, 12:22, Aktualitet CNA

A do të përballet Erion Veliaj me drejtësinë?

Kryebashkiaku i Tiranës, Erion Veliaj, prej korrikut të vitit 2025 shtyn pafundësisht seancat gjyqësore dhe nuk paraqitet përballë drejtësisë.

Me një mijë e një mënyra: fut avokat, hiq avokat, sill avokat të huaj, mos u paraqit në seancë, jep dorëheqjen një avokat, shkarkon një avokat tjetër, me raporte etj.

Prej gati shtatë muajsh seancat gjyqësore shtyhen dhe shtyhen. Në rast se Erion Veliaj do të kishte vullnetin për t’u përballur me drejtësinë, me aktet, provat, faktet, do të qëndronte sy më sy me prokurorët e SPAK-ut, do të nxirrte kundërshtitë e tij, do të rrëzonte provat. Do të shpaloste kundërshtitë e tij, do të nxirrte provat që rrëzonin faktet e SPAK-ut, të prokurorëve Altin Dumani dhe Ols Dado dhe tashmë ndoshta mund ta kishim Erion Veliajn të pafajshëm.

Por Erion Veliaj na tregon se nuk është i pafajshëm. Një i pafajshëm përballet shpejt dhe me integritet me drejtësinë. Një i pafajshëm nuk ka frikë të japë dorëheqjen nga kryetar bashkie, sepse e jep atë dorëheqje, përballet në gjykatë me prokurorët në mënyrë qytetare, fiton dhe rikthehet edhe më i fortë se një kryetar bashkie për t’u bërë nesër një kryeministër, për t’u bërë një lider.

Por Erion Veliaj nuk është i tillë. Erion Veliaj u lidh pas karriges së kryetarit të bashkisë, ashtu siç thotë Imzot Noli te "Kulltukofagët".

Erion Veliaj nuk shkon në gjykatë. Gjyqi i radhës është në datën 19. Herën e fundit nuk shkoi të përballej, por bëri cirqe me Drejtorinë e Burgjeve dhe duke akuzuar se problematika vinte nga ky institucion apo nga drejtësia, nga SPAK-u, nga oraret, me pretendimet e tij.

 

Kur në fakt furgoni i Drejtorisë së Burgjeve si zakonisht, sipas procedurave dhe protokolleve, ka shkuar, është kërkuar të paraqitet Veliaj. Ky i fundit ka kundërshtuar dhe nuk ka shkuar në gjykatë.

Kërkon të ketë kushte speciale në ambientet e gjykatave ku janë investuar nga BE-ja dhe thotë: “Ç'është ky kafaz? Pse e kam këtë xham të përpara?”, kur ato janë investime të kryera njësoj për të gjithë. Dhe nuk do t'i ndryshojmë as standardet, as sallat, nuk do t'i ndryshojnë shqiptarët pse vajti nën akuzë Erion Veliaj.

Në rast se është burrë dhe i ka ngelur njëfarë dinjiteti, më shumë sesa të gjejë labirinte për të mos u përballur me drejtësinë, është mirë të pranojë fatin e vet. Duke u mos u përballur nuk tregon asgjë tjetër, thjesht dhe vetëm se është fajtor. Edhe pse është prezumuar fillimisht si i pafajshëm sepse nuk ka një vendim gjykate.

Por dikush që i shmanget drejtësisë, nuk shkon të përballet, këtë e bën nga frika se do të dënohet apo nga ndërgjegjja e tij që e di se është kapur mat nga prokurorët me fakte dhe prova të pakontestueshme dhe thjesht dhe vetëm zgjat periudhat e paraburgimit, gjen një mijë e një mënyra për të dalë nga burgu, për të shkuar në një “Arrest shtëpie”, për të bërë një “Detyrim paraqitje”, që në fund të bëjë sa më pak ditë burgu.

Pasi faktet dhe mali i provave për Erion Veliajn tregojnë se ky i fundit nuk mund të shpëtojë pa marrë ndëshkimin ligjor për 13 veprat e rënda penale të dosjes së parë të tij në hetim, pasi është dhe një dosje tjetër, e cila është fraksion i dosjes së parë, e cila po hetohet jo më pak intensivisht se e para nga prokurorët e SPAK-ut./CNA





Lajmet e fundit nga