web counter
LEXO PA REKLAMA!

SHKARKO APP

App Store
Google Play

E fundit!

x

Një mashtrim publik me dosjen "Balluku"

13 Janar 2026, 11:44, Aktualitet CNA

Një mashtrim publik me dosjen "Balluku"

Një gazetar, koleg, për etikë dhe për të mos u dukur si një sulm apo një “luftë” mes gazetarësh, në një nga studiot televizive ka artikuluar se dalja e dosjes "Balluku" ishte e kontrolluar dhe dolën vetëm pjesët që kishin lidhje me një gazetar.

Pjesë të dosjes që kanë lidhje me gazetarë ka publikuar CNA dhe ne jemi të detyruar t'ia kthejmë këtë përgjigje. Në fakt, ka gënjyer publikisht dhe është e turpshme, se mashtron në publik duke e ditur shumë mirë si qëndron e vërteta.

Dosja “Balluku” nuk është publikuar pjesërisht, por ashtu siç i ka interesuar atij që e ka siguruar i pari, i cili në fakt ka qenë Gazment Bardhi. I dyti që ka publikuar dosjen ka qenë pikërisht Carlo Bollino, që CNA i publikoi pjesët e përgjimeve që ai nuk i nxirrte. Pra, kishin dalë pjesë të dosjes të bëra nga Gazment Bardhi, i cili në fakt nuk e kishte publikuar pjesën e Carlo Bollino-s, por kishte nxjerrë pjesët që i interesonin.

Që për ne është skandaloze, sepse një deputet, kryetar i grupit parlamentar të PD-së, të ketë dosjen dhe të nxjerrë fragmente të caktuara për biznese të caktuara, për ne kjo është e turpshme, është skandal dhe mund të dyshojmë se mund të ketë dhe gjobëvënie të caktuar.

Pasi, cila është arsyeja që deputeti nxjerr vetëm segmente të caktuara dhe jo dosjen e plotë, ndërkohë që e kishte atë dhe kjo është e konfirmuar.

Nga ana tjetër, për ta bërë politike, dosjen e ka dhe Carlo Bollino dhe boton pjesët që do ai, por nuk boton pjesën e tij. Ne kemi qenë e vetmja media që më vonë nga të gjitha, kur mundëm të siguronim dosjen, pasi shumica e gjërave ishin publikuar, thuajse të gjitha, pa fund kishte publikuar dhe Klodiana Lala te televizioni i Irfan Hysenbelliut, njeriut që e ka armikun e jetës Ballukun, s'kishte lënë gjë pa publikuar. Ne nxorëm pjesën e Bollino-s. Pra, dosja nuk është pjesërisht e publikuar në media. Ka dalë e gjitha nga A-ja te Zh-ja.


Të gënjesh në një studio është e thjeshtë. Të kërkosh të dalësh pa larë me justifikime, është edhe më e thjeshtë akoma. Por, nuk po i hyjmë fare debatit, as një përgjigje të detajuar me ndonjë dosje tjetër atje brenda SPAK-ut, por po e lë me kaq, për etikë dhe për të treguar se mashtrimeve të tilla në ekran, ne do t'u qëndrojmë përballë dhe do t'u përgjigjemi. Dhe një pyetje kemi: këta gazetarët që thonë nuk e publikuan dosjen, mos vallë e kishin dosjen dhe nuk e nxirrnin?

Mos vallë këta gazetarë, apo disa të tjerë, kur CNA shkruante për Ergys Agasin, telefononin dhe kërkonin që ne të mos shkruanim? Mos vallë këta gazetarë ndërhynin për Oltion Bistrin e përfshirë në hetimet e Sky dhe Encrochatit nga SPAK?


Ndaj dhe do të ishte shumë etike, shumë dinjitoze, që përpara se të hedhin shashka në opinion publik dhe të kërkojnë të lajnë fytyrën, mirë është të shkojnë të lajnë duart e tyre të ndotura njëherë me sapun, pasi me llumin që kanë në duar, do të bëhen edhe më pis./CNA





Lajmet e fundit nga