web counter
LEXO PA REKLAMA!

SHKARKO APP

App Store
Google Play

CNA risjell Lulin në skenë

12 Janar 2026, 19:56, Aktualitet CNA

CNA risjell Lulin në skenë

Lulzim Basha është kaq i thjeshtë, kaq i kapshëm, kaq i lexueshëm, sa ne, herë pas here, kur nuk kemi çfarë të bëjmë, e kruajmë nga pak, e gudulisim siç thotë populli, që mos qeshë ai, të qeshim neve, se ai ishte i qeshur gjithmonë.

Ne nxorëm lajmin që ka ikur në SHBA, ka shitur dhe ca prona, ka marrë para, punon andej. Mirë e bukur.

Po menjëherë ka reaguar Luli. Ka thënë: Unë jam tmerri i Berishës dhe i Ramës. Po e pamë në zgjedhje ne, sa tmerr ishte Luli. Po ne e bëmë atë lajmin që të qeshnin një çik njerëzit, që të thoshin: Pse gjallë është ky?

Se Luli kujton se po iku në Amerikë, takohet me ndonjë andej lart e poshtë dhe do kthehet ai, do të marrë politikën, do bëhet Kryeministër i Shqipërisë.

Se di Luli që edhe të vendoset prapë në krye të PD-së dhe të kandidojë, me gjithë Saliun bashkë, të marrë dhe Gazin, edhe Salianjin, edhe çdo mbetje tjetër, sërish ka për të humbur.  

Jo se fiton Rama, po se shqiptarët nuk e shohin dot me sy Lulin. Një sharlatan dhe karagjoz politik. Një palaço që i fillon përgjegjësia që nga 21 Janari, kur ka qenë ministër i Brendshëm, deri tek financimi i 1 milion e 125 mijë eurove për foton me Donald Trump, mandatin e parë kur ai ishte President i SHBA-së dhe lobimin në mbështetje të PD-së.

Pa hyrë te pasurimi i familjarëve, pa hyrë te Rruga e Kombit, dhe të tjera histori e skandale të tilla.

Ndaj neve na vjen mirë që sa herë duam të qeshim me Lulin, Luli reagon menjëherë dhe thotë që është halli i madh për “ramistët”, për “berishistët”, se ai është e ardhmja e Shqipërisë. Luli në fakt, dikur ka pasur një shprehje të të ndjerit Fatos Nano, i cili i tha Musa Ulqinit se ti vlen më pak se një lavatriçe.

Në fakt Lulzim Basha nuk vlen më pak se një lavatriçe. Lulzim Basha vlen më pak se një legen për të larë këmbët. Gjithmonë politikisht, se vizualisht është goxha djalë, me flokët, me brilantinë, shkëlqen. Politikisht vlen ndoshta dhe më pak se sa thamë ne. /CNA





Lajmet e fundit nga