web counter
LEXO PA REKLAMA!

SHKARKO APP

App Store
Google Play

E fundit!

x

Reshjet ndërprenë energjinë elektrike/ Nis riparimi i transformatorëve në Shkodër

12 Janar 2026, 14:59, Aktualitet CNA

Reshjet ndërprenë energjinë elektrike/ Nis riparimi i

Grupet e OSHEE-së po vijojnë punën për riparimin e defekteve të shkaktuara si pasojë e kushteve atmosferike që përfshinë Shkodrën.

Në terren për të ndjekur nga afër riparimet ishte edhe Drejtori Rajonal i OSHEE-së, Armand Zhuka.

“Jemi në një nga transformatorët e kompanisë, në linjën që furnizon rreth 120 abonentë. Kishte një defekt si pasojë e kushteve atmosferike dhe aktualisht po përfundojmë riparimin. Dëmet kanë qenë kryesisht në zonat malore. Në Vermosh ende kemi gjashtë shtylla të thyera. Kemi pasur dëme edhe në Vaun e Dejës dhe në disa zona të tjera. Qyteti nuk ka pasur dëmtime të mëdha, por kemi reaguar në kohë”,-Zhuka.

Ndërkohë, probleme me furnizimin me energji elektrike ka pasur edhe në zonat malore, ku grupet e OSHEE-së po ndërhyjnë për rikthimin e situatës në normalitet.

Sa u përket zonave të përmbytura, nuk ka probleme me energjinë elektrike, por stakimet kryhen për të garantuar sigurinë e jetës së banorëve, në rastet kur ka këputje të telave elektrikë.

“Nën-Shkodra nuk ka probleme me defekte, por shpeshherë jemi të detyruar të kryejmë stakime profilaktike me qëllim mbrojtjen e jetës, për shembull në raste kur ka defekte dhe nevojitet ndërhyrje”,-u shpreh Zhuka.

Aktualisht, në Qarkun Shkodër nuk ka problematika sa i përket furnizimit me energji elektrike./CNA





Lajmet e fundit nga