web counter
LEXO PA REKLAMA!

SHKARKO APP

App Store
Google Play

E fundit!

x

CEO për Europën i kompanisë amerikane CWP: Falënderojmë zv.kryeministren Balluku dhe MIE për të gjithë bashkëpunimin e shkëlqyer

12 Janar 2026, 14:00, Aktualitet CNA

CEO për Europën i kompanisë amerikane CWP: Falënderojmë

CEO për Europën i kompanisë amerikane CWP, Dimitar Enchev, i cili ka në dorë projektin për ndërtimin e parkut eolik në Tropojë, gjatë fjalës së tij ka falënderuar zëvendëskryeministren Belinda Balluku dhe Ministrinë e Infrastrukturës dhe Energjetikës për bashkëpunimin e shkëlqyer.

“Është një kënaqësi e madhe për mua të jem këtu sot që të marr këtë moment kaq të rëndësishëm për projektin tonë. Do të them dy fjalë vetëm, shumë pak. Nuk do të zgjatem shumë.

E para, do të doja të falënderoja zotin kryeministër, Rama, dhe zonjën Balluku për mbështetjen e tyre për vizionin e tyre për ta nxitur përpara këtë projekt kaq të rëndësishëm për politikat energjetike të Shqipërisë në mënyrë që ato të shkojnë në drejtimin e duhur.

Nuk është aspak e thjeshtë të krijosh zhvillime të reja në një ambient energjetik kaq kompleks dhe kjo kërkon një bashkëpunim shumë të ngushtë mes sektorit privat dhe sektorit publik dhe ne e kemi parë këtë gjë.

Së bashku me dëshirën e mirë dhe vizionin për ta bërë këtë gjë realitet.

Herën e fundit kam qenë këtu rreth tre muaj më parë kur vendosëm dhe nënshkruam një marrëveshje bashkëpunimi të përbashkët me BE-në dhe tani pas tre muajsh ne marrim lejen që na mundëson të angazhohemi në përgatitjen e fazave të fundit të projektit tonë.

Projekti, në fakt, është vërtetë shumë ambicioz. 600 MW në një treg si Shqipëria nuk janë pak, nuk është fjalë e vogël.

E kam filluar këtë punë 20 vite më parë. Para 20 vitesh isha i ri dhe fillova ta bëj këtë gjë për arsye mjedisore, të them të vërtetën, që të trajtojmë çështjet e ndryshimeve klimatike. 5 vite më parë ky mjedis energjetik në kontesktin europian ndaloi së foluri për ndryshimet klimatike dhe duhet të gjenim një mënyrë për të shkuar drejt pavarësisë energjetike dhe tani 5 vite më vonë kemi një arsye më shumë për të shkuar drejt pavarësisë energjetike.

Janë ndërtuar të dhënat, IA, dhe po bëhet shumë e qartë që pengesa e ardhshme nuk do të jenë më vetë të dhënat e qendrës së të dhënave, por vetë energjia që do të furnizojë këto qendra”, tha Enchev.

CEO për Europën i kompanisë amerikane CWP theksoi se duhet ndërtuar një ekonomi moderne shqiptare dhe për këtë arsye duhet të ketë një politike energjetike shumë të shëndetshme.

Ai nënvizoi se nuk mund të ndërtohet një ekonomi moderne nëse nuk kemi burimet energjetike ndaj në kontekstin e Shqipërisë është shumë e rëndësishme. Shqipëria ka një pozicionim unik, është e mirëlidhur me pjesën tjetër të Europës, duhen profile të mirëstudiuara të profileve energjetike.

“Në këtë këndvështrim ne duhet të ndërtojmë një ekonomi moderne dhe Shqipëria e ka dhe këtë si mision dhe për këtë arsye duhet të kemi një politikë energjetike shumë të shëndetshme. Nuk mund të ndërtojmë dot një ekonomi moderne nëse nuk kemi burimet energjetike, ndaj në kontekstin e Shqipërisë është shumë e rëndësishme. Shqipëria ka një pozicionim unik, është mirëlidhur me pjesën tjetër të Europës, duhen profile të mirëstudiuara të profileve energjetike. Kjo është ajo që ne e shikojmë sot si Europën në një kontekst më të gjerë, e cila duhet të gjenerojë sa më shumë energji elektrike lokale në mënyrë që të shkojmë në një pavarësi energjetike. Shumë njerëz nuk e kuptojnë këtë për momentin, por besoj që njerëzit që ndodhen në këtë sallë e kuptojnë shumë mire”.

Enchev u shpreh pozitiv për të ardhmen energjetike të Shqipërisë dhe të ardhmen ekonomike të Shqipërisë, e cila varet nga këto politika të shëndosha energjetike.

“Më vjen shumë mirë dhe jam pozitivë për të ardhmen energjetike të Shqipërisë dhe të ardhmen ekonomike të Shqipërisë, e cila varet nga këto politika të shëndosha energjetike.

Investimi ynë është shumë ambicioz, disa njerëz menduan se u çmendëm, por në momentin që po bënim studimin provuam që ata e kishin gabim. Do të doja të falënderoja qeverinë, administratën, që  na ka ndihmuar në këtë gjë. Për ne është e rëndësishme që të angazhohemi me komunitetet lokale sepse nuk është thjesht çështja që të bëjmë disa instalime, kemi nevojë për infrastrukturën, ndaj kemi një paketë gjithëpërfshirëse, kemi qenë një nga zhvilluesit lider për Europën Juglindore.

Ne sjellim praktikat më të mira dhe standardet më të mira. Këtë e bëjmë jo vetëm se duam, por duam të vendosim standardet më të larta për pasardhësit tanë.

Do të na duhet një ndërveprim i duhur me qeverinë dhe autoritetet lokale. Doja t'ju falënderoja paraprakisht. Do të bëjmë më të mirën e mundshem që ky projekt të bëhet sa më shpejt të jetë e mundur”, tha Enchev./ CNA





Lajmet e fundit nga