web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Berishës: Superskandali i Duranës, mafia shqiptare përvetësoi projektin e kompanisë prestigjioze EPAM

12 Janar 2026, 13:06, Aktualitet CNA

Denoncimi i Berishës: Superskandali i Duranës, mafia shqiptare

Ish-kryeministri dhe kreu i PD-së, Sali Berisha, ka denoncuar sot atë që e cilësoi si një superskandal të lidhur me projektin e ashtuquajtur “Durana”, duke iu referuar një investimi të mundshëm në fushën e teknologjisë së lartë nga kompania ndërkombëtare EPAM.

Gjatë një deklarate publike, Berisha tha se denoncimi ishte bërë fillimisht nga ish-zëvendëskryeministri Arben Ahmetaj dhe se bëhej fjalë për një projekt që synonte krijimin e një parku high-tech në zonën e Durrësit, i prezantuar si “Silicon Valley shqiptar”.

Sipas Berishës, rreth tri vite më parë kompania EPAM, një nga gjigantët globalë të teknologjisë së informacionit me qarkullim miliardë dollarësh, kishte vendosur të zhvendoste aktivitetin e saj nga Ukraina pas agresionit rus dhe kishte përzgjedhur Shqipërinë si destinacion të ri investimi. Ai pretendoi se drejtues të lartë të kompanisë kishin zhvilluar takime me përfaqësues të qeverisë shqiptare, ku ishte premtuar krijimi i kushteve të favorshme për investimin.

Berisha akuzoi qeverinë dhe kryeministrin Edi Rama se projekti u përvetësua nga interesa të lidhura me krimin e organizuar, duke bërë që kompania EPAM të mos realizonte investimin në Shqipëri. Sipas tij, projekti fillestar i një parku teknologjik u shndërrua në atë që ai e quajti “Troplana e Shkozetit”, duke e cilësuar si një tjetër rast abuzimi me pasuritë publike.

“Sot jam këtu për superskandalin e ri që denoncoi me përgjegjësi të plotë ish-zëvendëskryeministri Arben Ahmetaj.

Jam këtu për parkun virtual të high-tech, apo de facto Troplanën e Shkozetit, një skandal i denjë për filmat më horror në gjininë e vjedhjeve të pasurive publike. Ja, ky është Silicon Valley i Edi Ramës, Armand Frangut, Fatmir Troplinit që quhet Durana.

3 vite më parë, se ka historinë e vet, një nga gjigantët e high-tech-ut, vendosur në Ukrainë, EPAM, pas agresionit rus ndaj Ukrainës, vendosi që të spostojë sipërmarrjen e tij të madhe në një vend tjetër dhe përzgjodhi Shqipërinë.

Presidenti i kësaj kompanie, ndër më të fuqishmet në botë, me xhiro miliarda dollarë, erdhi në Shqipëri dhe u prit nga kreu i organizatës kriminale, Edi Rama, dhe Agaçi me asistenten e tij, Elira Kokona.

Ai paraqiti projektin e tij, dëshirën dhe vendimin e kompanisë që të gjithë sipërmarrjen e tij të madhe në Ukrainë ta spostojë në Shqipëri, por për këtë qëllim kërkoi krijimin e një zone, siç e kishte në Ukrainë, me kushte të favorshme.

E vërteta është se kjo iu premtua, se Ramaduro filloi të flasë për Silicon Valley në Durrës. Por menjëherë kthetrat e egra të mafies shqiptare përvetësuan projektin dhe kompania prestigjioze nuk gjeti asnjë mundësi të investonte në këtë vend.

E zhgënjyer, e dëshpëruar, pa që kishte të bënte me një narko-mafie të pashembullt, dhe si përfundim këto livadhe dhe ara që shihni këtu janë Troplana e Edi Ramës”, tha Berisha./ CNA





Lajmet e fundit nga