web counter
LEXO PA REKLAMA!

SHKARKO APP

App Store
Google Play

E fundit!

x

Ngricat dhe bora izolojnë zona të Qarkut Dibër, temperaturat zbresin deri në -10°C

12 Janar 2026, 08:25, Aktualitet CNA

Ngricat dhe bora izolojnë zona të Qarkut Dibër, temperaturat

Moti i acartë dhe reshjet e dëborës kanë përfshirë Qarkun e Dibrës, duke sjellë probleme serioze në disa zona të thella. Gjatë orëve të natës, temperaturat kanë zbritur deri në -10 gradë Celsius, ndërsa ngricat dhe akulli kanë vështirësuar jetën e banorëve.

Si pasojë e të ftohtit ekstrem, janë shfaqur probleme në furnizimin me ujë të pijshëm në disa fshatra të thella. Të bllokuara nga bora mbeten disa zona në njësitë administrative Lurë, Kala e Dodës, Muhurr dhe Selishtë, si dhe disa fshatra në njësitë Trebisht dhe Ostren. Në këto zona, trashësia e borës ka arritur mbi 40 centimetra.

Situata paraqitet problematike edhe në rrugët rurale, ku prezenca e madhe e borës dhe akullit e bën të vështirë qarkullimin. Bashkitë Dibër dhe Bulqizë kanë dalë në terren dhe po punojnë për hapjen e akseve rrugore dhe normalizimin e situatës.

Ndërkohë, ura e Çerenecit në aksin Çerenec–Librazhd është e pakalueshme për qarkullim për shkak të ngricave dhe akullit.

Sa u përket akseve kryesore rrugore, qarkullimi në rrugën Peshkopi–Tiranë vijon normalisht dhe pa nevojën e zinxhirëve, ndërsa në aksin Peshkopi–Kukës lëvizja lejohet vetëm me përdorimin e zinxhirëve.

Probleme janë raportuar edhe në zonën e Martaneshit, ku bora dhe ngricat vijojnë të vështirësojnë lëvizjen e mjeteve dhe banorëve. Autoritetet u bëjnë thirrje qytetarëve të tregojnë kujdes dhe të shmangin udhëtimet e panevojshme./ CNA





Lajmet e fundit nga