web counter
LEXO PA REKLAMA!

SHKARKO APP

App Store
Google Play

E fundit!

x

Pse deputetët e PD-së në Korçë nuk shkuan te takimi i Salianjit?

11 Janar 2026, 19:43, Aktualitet CNA

Ervin Salianji dje zhvilloi një takim në Korçë të cilin e quajti entuziast dhe madhështor në një sallë me rreth 150 vetë. Por në fakt, më shumë sesa madhështore, ajo ishte një sallë e braktisjes.

Në qarkun e Korçës ku ka rreth 130 mijë votues, Ervin Salianji mblodhi nja 200 vetë, disa të çuar me furgonat nga Bledioni në Devoll, të tjerët nga Fideli, nga Radaneci, edhe ca të tjerë nga Ledina.

Por më e bukura është se as Fidel Kreka që është deputet dhe produkt direkt i Ervin Salianjit, apo Ledina Alolli e cila është rikthim dhe produkt direkt i Ervin Salianjit, apo dhe Bledion Nallbati që është sponsorizuar fort nga Ervin Salianji, nuk shkuan në takimin e zhvilluar në sallën e Kinema Majestik.

Pse u fshehën, kur çuan njerëzit? Kanë bërë telefonata, ju kanë thënë shkoni, merrni pjesë në takim, nuk ka asgjë të keqe. Ndërkohë që zyrtarisht kishin kërkuar që ai të braktisej. 

Pse deputetët e PD-së të Korçës nuk patën kurajën të dilnin atje përpara dhe të shkonin në takim? Pse e braktisën takimin?

Pse deputetët e PD-së në Korçë nuk shkuan te takimi i
Ervin Salianji me dru në dorë kundër demokratëve

Megjithëse Bledioni njëherë ka qenë me Lulin, pastaj me Saliun. Ledina me Saliun, me Lulin, tani prapë me Saliun. Kështu bëjnë këta deputetët e Korçës, si Ervin Salianji.

Produkt i Lulit, kaloi te Berisha, tash po ikën dhe nga Berisha, i është mbushur mendja që është lider i madh pasi mbolli flokët në burgun e Fierit ku vuajti dënimin si mashtrues me vendim gjykate.

Por ajo që duket nga deputetët e qarkut të Korçës është se hedhin gurin dhe fshehin dorën. Çuan njerëzit dhe nuk dolën. Dhe nga ana e vet, ata që kanë dinjitet dhe kurajë, edhe pse e kanë çuar 50 vetë, shkojnë atje dhe ju dalin për zot.

Se ekzistojnë SMS, telefonata, demokratë, qytetarë që thonë se janë telefonuar, iu është kërkuar të shkojnë te takimi i Salianjit, apo kur kanë kërkuar mendim.

Prandaj, do të ishte më e ndershme dhe njerëzore që deputetët e PD-së në Korçë të mos fshihen pas gishtit, por të dilnin hapur dhe të mbështesnin Salianjin, siç shkoi një djalë i ri që pretendoi se ishte sekretar, apo të tjerë që nuk shkuan fare. Apo anëtarët e kryesisë që donin të shkonin te Salianji, po e braktisën, nuk shkuan.

Politikë është e shkreta dhe e ka atë damkën e saj, por do të ishte më dinjitoze nga deputetët e Partisë Demokratike të qarkut të Korçës, për ata, për demokratët, për vetë qytetarinë, që të shkonin atje hapur, jo të çonin njerëzit apo t'i organizonin dhe të thoshin më pas “ne nuk e dimë, po e mbështesin vetë se ne nuk kemi dorë”, kur në fakt ishin ata që kishin urdhëruar dhe organizuar. /CNA





Lajmet e fundit nga