web counter
LEXO PA REKLAMA!

SHKARKO APP

App Store
Google Play

E fundit!

x

"Leximi i Ungjillit i dha kuptim jetës time"/ Kryepiskopi Joan: Vetëm Perëndia mund ta përmbushë njeriun

11 Janar 2026, 19:25, Aktualitet CNA

"Leximi i Ungjillit i dha kuptim jetës time"/ Kryepiskopi Joan:

Kryepiskopi i Tiranës, Durrësit dhe gjithë Shqipërisë, Fortlumturia e Tij Joan, ka folur mbrëmjen e sotme për rrugëtimin e tij shpirtëror. Në një intervistë me gazetarin Ferdinand Samarxhi, Kryepiskopi Joan tha se besimi shumë herë e kapërcen arsyen.

Fortlumturia e Tij tha se leximi i Ungjilli i dha kuptim jetës së tij, ndërsa thekson se është vetëm Perëndia që mund ta përmbushë njeriun.

“U rritëm në një periudhë ku besimi ishte i ndaluar, i ndaluar nga jashtë dhe smund të kontrollonte zemrat e njerëzve. Në rrugëtimin tim të jetës, isha në vitin e 4 të gjimnazit, sa kisha mësuar frëngjisht dhe më bie në dorë një libër që ishte Dhjata e Re dhe kur lexova librin ndjeva diçka ndryshe. Mënyra si ishte e shkruar më bindi mua që ishte e vërtet. Besimi nuk mund të shpjegohet vetëm me arsye por nuk është jashtë arsyes, por është diçka që e kapërcen shpesh herë atë gjë. Edhe në jetën e përditshme kur dikush na tregon diçka, mënyra si e tregon e bën më të vërtetë. Solli një gëzim shumë të madh tek unë kur e lexova. Më pas fillova rrugëtimin duke u përpjekur që të gjeja më shumë informacione për të kuptuar më shumë.

Edhe leximi i Ungjillit në atë kohë ishte i ndaluar. Por gjithkush ka rrugëtimin e tij të veçante. Rrugët për tek perëndia janë të ndryshme dhe çdo njeri është i ndryshëm por Ungjilli filloi ti jepte kuptim jetës time. Gjithmonë dëshira dhe predikimi im ka qenë gjithmonë që njerëzit ta gjejnë qëllimin e tyre të vërtet në jetë. Unë besoj se vetëm diçka shumë e madhe mund ta përmbushi njeriun. Unë besoj që është vetëm Perëndia që mund ta përmbushë njeriun. Leximi i Ungjillit id ha një kuptim jetës time”, tha Kryepiskopi Joan. /CNA





Lajmet e fundit nga