web counter
LEXO PA REKLAMA!

SHKARKO APP

App Store
Google Play

E fundit!

x

Për një “like” në Facebook/ Polici dhunon brutalisht 46-vjeçarin në Fier

11 Janar 2026, 17:24, Aktualitet CNA

Për një “like” në Facebook/ Polici dhunon brutalisht

Një emigrant i cili kishte ardhur nga Gjermania është dhunuar brutalisht në Vjosë të Fierit. Ngjarja ka ndodhur ditën e djeshme, ndërsa vetë 46-vjeçari me iniciale A.M., ka rrëfyer nga spitali i Fierit se ishte dhunuar pasi i ka komentuar dhe i ka bërë “like” në Facebook, motrës së autorit të dyshuar.

 Sipas tij, autori është punonjës i forcave RENEA në Fier. 46-vjeçari ka treguar se autorët kanë dhunuar edhe të atin i cili kishte ndërhyrë për ta shpëtuar.

“Mbrëmë në orën 11 të natës kam arritur në shtëpi. Kur isha te lokali i fshatit më kishte ardhur një mesazh kërcënues për një “like”. Mesazhi më erdhi nga një bashkëfshatari im që ai sot është komandant me forcat RENEA në Fier. Like i bëra motrës së tij në Facebook. Në 11 që kam arritur në shtëpi, janë fikur dritat vetëm të shtëpisë time dhe unë jam thirrur në emër që të dal jashtë. Porta e madhe me portën e shtëpisë janë në një distancë prej 50-60 metra.

Ai ishte tek porta e shtëpisë, jo tek porta e madhe. Unë dola se mendova se ishte vëllai. Mesazhi thoshte që nuk e di se me kë je mpleksur. Unë dal në derë dhe aty më qëllon direkt dhe më përsërit ato të mesazhit. Ishin të paktën 3 persona. Më kanë qëlluar pa mëshirë dhe më kanë rrëzuar përtokë pa ndjenja. Nëse unë jam gabim për një like apo koment ka dhe falje. Port ë arrijë deri në këtë gjendje sat ë më bëjë mua për spital. Qëlluan edhe babanë, sapo doli jashtë.

Unë kam punuar në shtëpinë e tyre, kemi pasur marrëdhënie të mira. Fredi Astrit Lamaj e ka emrin. Më tha të njëjtat gjëra si në mesazh. Unë kam rënë pa ndjenja dhe kur u përmenda e pash veten në ambulancë. Unë kërkoj që kjo mos përsëritet më dhe dua të drejtën time, më është shkelur prona. Telefoni im është marrë me vete, unë atë telefon nuk e gjej. Sot ka vajtur edhe policia atje po e kërkon, por nuk po e gjen. E logjikshme është që e kanë marrë këta”, u shpreh ai. /CNA





Lajmet e fundit nga