web counter
LEXO PA REKLAMA!

SHKARKO APP

App Store
Google Play

E fundit!

x

Rasti i tre të miturve në Durrës/ Shërbimi Social: Nënës do t’i ofrohet punë e re dhe kurse prindërimi

12 Janar 2026, 16:38, Aktualitet CNA

Rasti i tre të miturve në Durrës/ Shërbimi Social:

Drejtoria e Shërbimit Social pranë Bashkisë Durrës ka dalë me informacione të reja lidhur me rastin e tre fëmijëve të gjetur të vetëm në banesë dhe procedimit të nënës së tyre.

Në njoftimin e mëposhtëm bëhet me dije se fëmijëve do t’ju sigurohen veshmbathje dhe të gjitha medikamentet e nevojshme për trajtimin e sëmundjes. Gjithashtu bëhet me dije se do të bëhet pastrimi dhe dezinfektimi i banesës së tyre.

Ndërkohë nënës, nëpërmjet Zyrës së Punës, do t’i ofrohët sërish një punë dinjitoze në mënyrë që të mos punojë 16 orë sikundër pretendon por 8 orë në mënyrë që të mirërrisë fëmijët e saj. Gjithashtu do t’i ofrohen kurse prindërimi.

Njoftimi i plotë:

Drejtoria e Shërbimit Social pranë Bashkisë së Durrësit nëpërmjet drejtoreshës së saj Diola Xhango bën me dije se pak më parë ka përfunduar mbledhja e GTN (Grupi Teknik Ndërsektorial) ku bëjnë pjesë: vetë shërbimisocial OJQ, Policia, Shëndetësia, etj, lidhur me ndihmën për 3 fëmijët dhe nënën e tyre Blerina Basha.

U vendos që menjëherë tu vihet në ndihmë atyre duke i dërguar urgjent në spital të 3 fëmijëve veshmbathje, të gjitha medikamentet për trajtimin e sëmundjes. Do të bëhet pastrimi dhe dezinfektimi i banesës. Këto i morën përsipër t’i financojnë ARSIS dhe Ëorld Vision.

Ndërkohë familja do të ndihmohet që ta zhvendosë regjistrimin nga Vau i Dejës (pasi me letra janë banorë të Malsisë së Madhe) dhe të regjistrohen si banorë të Durrësit. Duke u bërë banorë të Durrësit,bashkia do ta regjistrojë në listën e atyre që do të strehohen në banesa sociale.

Nënës, nëpërmjet Zyrës së Punës,do ti ofrohet sërish një punë dinjitoze në mënyrë që të mos punojë 16 orë sikundër pretendon por 8 orë në mënyrë që të mirërrisë fëmijët e saj. Nënës gjithashtu do ti ofrohen kurse prindërimi në funksion të mirërritjes së fëmijëve. Për çdo ditë do të kryhen kontrolle mbikqyrje nga shërbimi për mbarëvajtjen e familjes. Pra ajo do të jetë në provë për të parë nëse është e aftë të mbajë kujdestarinë ndaj fëmijëve apo jo. /CNA





Lajmet e fundit nga