web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për atentatin në Rinas/ Karamuço: Shullazi nuk do të bashkëpunojë me drejtësinë

12 Janar 2026, 20:48, Aktualitet CNA

Hetimet për atentatin në Rinas/ Karamuço: Shullazi nuk do

Eksperti i kriminalistikës, Ervin Karamuço ka folur mbrëmjen e sotme për vendimin e Prokurorisë për të marrë në pyetje Emiljano Shullazin lidhur me atentatin në Rinas ku u ekzekutua Gilmando Dani dhe Muçi Shaljani.

Karamuço u shpreh në emisionin "Now me Erla Mëhillin" në Euronews, se Shullazi nuk do të pranojë të bashkëpunojë me drejtësinë. Lidhur me ecurinë e hetimeve, ai tha se 48 orëshi i parë ishte vendimtar në zbardhjen e ngjarjes. Sipas tij kur kalojnë ditë dhe ndodhin ngjarje të reja hetimet dhe veprimet nisin të zbehen.

“Nuk do të bashkëpunojë me drejtësinë. Është i vështirë për të mos thënë i pamundur. Marrja në pyetje e tij nuk është se ka domethënie në zbulimin e ngjarjes. Një njeri i jashtëm mund të japë më shumë elementë se një i izoluar.

Ne nga veprimet shikojmë se ka veprimet intensive për zbardhjen e ngjarjes. Por kur fillojnë dhe mbivendosen ngjarje të tjera, ka shpërqendrim. 48 orëshi i parë është i vendimtar. Nuk e di pse su dha shpërblim për informatorët për këtë ngjarje. Sepse ishte ngjarje shumë e rëndë. Duhet ndryshuar qasje ndaj publikut për të gjetur informatorë. Hetimet dhe veprimet fillojnë dhe zbehen prandaj duhet bashkëpunim me publikun”, u shpreh Karamuço. /CNA





Lajmet e fundit nga