E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

"Po i bën bisht drejtësisë"/ Aulon Kalaja: Dështon seanca e gjashtë e gjyqit që Erion Veliaj ka nisur ndaj meje

13 Janar 2026, 10:48, Aktualitet CNA

"Po i bën bisht drejtësisë"/ Aulon Kalaja: Dështon

Ish-kandidati për deputet i Partisë Demokratike, Aulon Kalaja, është shprehur ditën e sotme se ka dështuar edhe seanca e gjashtë e gjyqit që kryebashkiaku i Tiranës, Erion Veliaj, ka nisur ndaj tij.

Kalaja thotë në reagimin e tij se Veliaj jo vetëm që nuk u paraqit vetë, por urdhëroi që në seancën e sotme mos të jetë as avokati i tij.

Ai thotë më tej se kryebashkiaku ndonëse ka hapur gjyqin ndaj tij, po “i bën bisht” drejtësisë. Kalaja bën me dije se gjykata ka caktuar seancën e radhës me 26 janar, në orën 13:30 dhe njofton se nëse pala paditëse nuk paraqitet, është caktuar një avokate që të mbrojë Veliajn.

Reagimi i plotë:

Dështon seanca e gjashtë e gjyqit që Kryetari i Bashkisë Erion Veliaj, ka nisur ndaj meje.

Megjithëse data 13 janar ishte caktuar nga gjykata si dita ku ne do të fillonim gjyqin në orën 09:30 dhe do e bitisnim, kur të mbaronin të gjitha provat, së bashku me një ekspert IT, që do kujdesej për transmetimin e provave ne sallën e gjyqit, Kryetari i Bashkisë së Tiranës, jo vetëm që nuk u paraqit, por dha urdhër që të mos vijë në senacë as avokati i tij mbrojtës.

E paimagjinueshme se si personi që ka hapur gjyq ndaj meje, nuk vjen të përballet, por i bishtnon drejtësisë!

Ku është morali këtu?! Lëre moralin, po ligji?!

U shpreha para gjykatës që plani ndaj meje është që të qëndroj peng nëpër gjyqe të paktën për dy vite, sepse strategjia është e atillë. Edhe nëse do mbyllet ky gjyq, do hapet një tjetër nga Veliaj, ndaj meje. Unë e di ku e ka hallin Kryetari i Tiranës që është në burg, por unë nuk ia zgjidh dot.

Gjykata caktoi seancën e radhës me 26 janar, ora 13:30 dhe nëse pala paditëse nuk paraqitet, është caktuar një avokate kryesisht qe të mbrojë Veliajn, ndaj meje.

Megjithëse kjo është një padi strategjike për të më mbajtur në presion, unë jam i perkushtuar që t’a trajtoj me seriozitet. /CNA

View this post on Instagram

A post shared by CNA.al (@cna.lajme)