web counter
LEXO PA REKLAMA!

SHKARKO APP

App Store
Google Play

Ardit Gjoklaj dhe lotët e Veliajt për djalin e tij ditën e parë të shkollës

4 Shtator 2025, 13:31, Aktualitet CNA

Ardit Gjoklaj dhe lotët e Veliajt për djalin e tij ditën e

Kryetari i arrestuar i Bashkisë Tiranë, Erion Veliaj, i cili ndodhet në paraburgimin e Durrësit që prej 13 shkurtit, sot ka bërë një postim në rrjetet sociale ku shprehet se këtë vit nuk e dërgon dot djalin e tij në klasën e parë.

Ardit Gjoklaj dhe lotët e Veliajt për djalin e tij ditën e

Kjo do të ishte prekëse për këdo, por jo për një politikan, i cili ka 13 akuza për një duzinë veprash penale, të gjitha këto të bëra tashmë edhe publike dhe të gjitha kanë sjellë dëme te secili taksapagues.

Që nga momenti kur Veliaj u zgjodh në krye të Bashkisë Tiranë karriera e tij u shenjua nga një sërë sjellësh represive ndaj qytetarëve si rasti i banorëve të Unazës së Madhe, të "5 Majit", por ajo që do ta përndjekë si damkë, jo vetëm morale, është ngjarja në landfillin e Sharrës ku u vra Ardit Gjoklaj.

Edhe Ardit Gjoklaj punonte si qindra fëmijë për të siguruar lekët e shkollës për veten e vëllain, sepse priste që në shtatorin e 2016 të ulej në bankat e shkollës, por më 17 gusht u gjet i pajetë në landfill, ngjarje e cila nuk pati të ndëshkuar.

Erion Veliaj mund të mos e çojë dot sot djalin në shkollë, por nesër ose një ditë do ta takojë, pavarësisht nëse i biri do të jetë krenar apo do t’i vijë turp për të atin.

Ata do të takohen sërish dhe Zoti e dhëntë të jenë sa më pranë njëri-tjetrit, ndërsa prindërit e Ardit Gjoklajt nuk do ta takojnë dot më kurrë djalin e tyre, të cilit në prag të vitit shkollor 2016 i hodhën një grusht dhe.

Kryebashkiaku i arrestuar, para se të bëjë një postim, duhet të kujtojë fëmijët që i la pa shtëpi apo që i nxirrte nga banesat edhe natën për të ndërtuar më pas në ato zona me klientët e tij, tashmë edhe ata nën akuzë.

A mendon Veliaj për fëmijët që lypin në rrugë dhe Shërbimi Social i Bashkisë Tiranë është thuajse inekzistent?

Edhe prindërit e tyre nuk mund t’i dërgojnë dot në klasë të parë, as në çerdhe, as në kopshte, sepse duhet të sigurojnë ushqim për të mbijetuar.

A mendon ndonjëherë kryebashkiaku i arrestuar për korrupsion në të paktën 9 raste se sa fëmijë me prindër emigrantë nuk i kanë baballarët e tyre në krah mëngjeseve të vjeshtës sepse janë detyruar të largohen pasi janë zhvatur nga politikanë si ai?

Nëse nuk do të kishte personazhe të korruptuar si Veliaj dhe klasa jonë politike, prindërit nuk do të emigronin, por do të ishin krah fëmijëve për t’i çuar ata në shkolla./CNA

 





Lajmet e fundit nga