web counter
LEXO PA REKLAMA!

SHKARKO APP

App Store
Google Play

E fundit!

x

"SPAK nuk ka zhgënjyer"/ Gjikondi: Me sulmet dhe akuzat e tij, Meta ka treguar një mendësi shumë të shëmtuar

3 Shtator 2025, 15:27, Aktualitet CNA

"SPAK nuk ka zhgënjyer"/ Gjikondi: Me sulmet dhe akuzat e tij,

Juristja Brizida Gjiokondi ka folur në një dalje televizive për SPAK-un dhe sulmet që janë bërë ndaj institucionit të drejtësisë.

Më konkretisht ajo u ndal te rasti "Meta", për të cilin tha se ka treguar një mendësi shumë të shëmtuar me sulmet dhe akuzat që ka bërë ndaj SPAK-ut.

Juristja u shpreh se dosja e Metës është gati dhe deri më tani SPAK-u nuk ka zhgënjyer me dosjet e tij.

Gjithashtu, Gjikondi u ndal edhe te Kryemadhi, për të cilën tha se krimet janë krime dhe nuk kanë pse fshihen pas gjinisë. Juristja tha se Kryemadhi dhe persona të tjerë si ato nuk kanë pse u bëjnë karshillëk njerëzve me rroba firmato.

Për SPAK-un, Gjikondi u shpreh se ka kaluar shumë presione, por nuk ka arritur të humbasë integritetin e tij.

“Me sulmet dhe akuzat e tij, Meta ka treguar një mendësi shumë të shëmtuar. Dosja tashmë është gati, deri tani SPAK-u nuk ka zhgënjyer me dosjet e tij, ka qenë i kujdesshëm, madje mendoj që ka qenë pak kursimtar me veprat penale që i ka vënë në ngarkim. Sa për Kryemadhin, mendoj që SPAK nuk duhet të jetë aq tolerant edhe për gjithë të tjerat, krimet janë krime dhe nuk mund të fshihesh pas gjinisë. Jo vetëm Kryemadhi, por edhe gra të tjera nuk mund t’i bëjnë karshillëk publikut shqiptar as me rrobat firmato.

Një Gjyqësor dhe Prokurori të nënshtruar kemi pasur për 30 vite dhe shpresoj shumë që akulli që ka thyer zoti Dumani të shërbejë. Mendoj që nuk mund të abuzosh me togën e zezë, sa kohë qeveria Rama, ligji, parlamenti, Kadastra apo vendime janë cenuar, apo për ndërtime pa leje që janë ligjëruar nga këto gjyqtare, patjetër që qeveria është palë dhe shprehet. SPAK kemi parë që ka kaluar mes shumë presioneve dhe ka arritur të ketë integritet në sajë të kësaj rezistence dhe kurajë që ka treguar”, tha Gjikondi./ CNA





Lajmet e fundit nga