Të gjithë njësoj kundër Dumanit

3 Shtator 2025, 13:40, Aktualitet CNA

Kreu i Strukturës së Posaçme Kundër Korrupsionit dhe Krimit të Organizuar (SPAK), Altin Dumani, zhvilloi një takim në Departamentin Amerikan të Shtetit me Zyrtarin e Lartë të Byrosë për Çështjet Europiane dhe Euroaziatike, Brendan Hanrahan.

Dumani, takim në Departamentin e Shtetit me zyrtarin e lartë amerikan
2 Shtator, 16:21

Ky është takimi më i lartë i zhvilluar nga një zyrtar shqiptar që pas ardhjes së administratës së re të Trump më 20 janar 2025.

Vizita e Dumanit në Departamentin Amerikan/ Gazetari: Mesazh i qartë, vlerësim për punën e SPAK
2 Shtator, 20:54

Është i qartë mesazhi që jepet nga amerikanët, mbështetja për SPAK-un, për kreun e saj, por nga ana tjetër, kjo është një shuplakë e fortë dhe jo thjesht një shpullë fytyrës, por një grusht në fytyrën e politikës, të sulmeve të saj, apo edhe medieve klienteliste e të korruptuara të pushtetit.

Së pari, është një grusht në fytyrën e Erion Veliajt, por edhe ndaj të vëllait që sponsorizon mediet që bëjnë sulme ndaj SPAK-ut. Dhe jo vetëm në Shqipëri, por me para blihen shkrime nga jashtë, për të goditur institucionin që po lufton krimin dhe korrupsionin në Shqipëri.

Takimet e Dumanit në SHBA, si grusht për Veliajn dhe shokët e tij
3 Shtator, 10:09

Së dyti, është një shuplakë edhe ndaj Sali Berishës, i cili në daljen e tij sot në një konferencë me gazetarët nuk kurseu sulmet personale ndaj Altin Dumanit. Sali Berisha është një i pandehur, ashtu si edhe Erion Veliaj, dhe akuzat ia drejton SPAK-ut, megjithëse Altin Dumani nuk është prokurori i çështjes, tjetërkush është prokurori i çështjes.

Dumani në Departamentin Amerikan të Shtetit/ Berisha: Nuk kam dijeni
3 Shtator, 13:39

I treti është Ilir Meta, që sërish e merr një shpullë fytyrës, shumë të fortë këtë herë, nga SPAK-u, që merr mbështetje nga amerikanët dhe Ilir Meta që qëndron tashmë me akuzat të çuara në Gjykatë ashtu si Veliaj dhe Berisha, i akuzuar për vepra shumë të rënda penale. Gjatë gjithë kohës bërtasin dhe ulërasin mediet e kapura, të keqpërdorura, të pushtetit, të cilat na kërkonin me ngulm që Ilir Meta të arrestohej, por më pas e drodhën dhe thanë që Ilir Meta duhej të ndiqej në liri.

Nga Rama, Veliaj dhe Berisha te Meta/ Si u vendos politika në sulm ndaj SPAK-ut
14 Prill, 15:46

Erion Veliaj, edhe pse ishte kapur në vjedhje, duhej të ishte lënë i lirë, vetëm për Sali Berishën nuk e thanë. Por, gjithsesi, e kanë thënë edhe për Sali Berishën në një kohë që sulmojnë SPAK-un dhe bëjnë atë që bën edhe Doktori, sikur nuk e di çfarë ka ndodhur në Departamentin e Shtetit, ku ai po lobon dhe lufton që të heqë “non grata”-n. Ndërkohë, nga ana tjetër, amerikanët ftojnë Dumanin në takim./CNA