web counter
LEXO PA REKLAMA!

SHKARKO APP

App Store
Google Play

Skema piramidale TXEX/ Ish-prokurori: Fenomen kriminal, u ka vjedhur shqiptarëve mbi 150 milionë euro

2 Shtator 2025, 21:41, Aktualitet CNA

Skema piramidale TXEX/ Ish-prokurori: Fenomen kriminal, u ka vjedhur

Ish-prokurori Besnik Muçi ndau këtë të martë detaje nga skandali me skemën piramidale online TXEX.

Në një emision në A2CNN, Muçi tha se bëhet fjalë për një fenomen kriminal, që u ka vjedhur shqiptarëve mbi 150 milionë euro.

Muçi shtoi se autoritetet duhet të gjejnë nga vjen ky burim i vjedhjes së qytetarëve dhe të veprojë ligji për rregullimin e monedhave virtuale.

“Bëhet fjalë për mbi 150 milionë euro që po mashtrohet. Është më shumë se dëmi i firmave piramiale. Këtu ka një fenomen kriminal, po vidhen paratë e qytetarëve. A është krim, mashtrim i thjeshtë, apo mashtrim kompjuterik pak rëndësi ka për qytetarin. Policia e Shtetit shumë mirë është për tu përgëzuar që ka bërë referimin në prokurori. Të mbyllet platforma në Shqipëri, prandaj ne paguajmë AKSHI-n. Nëse bëhet fjalë për mashtrim me kriptomonedha, por ama janë të ngjashme me këto platformat exchange, ama jemi në një përzierje të monedhës virtuale dhe parave cash. Kemi një ligj të 2020 për rregullimin e monedha virtuale, atëherë ku janë këta që do e zbatojnë ligjin? Ne kemi ligjin por shteti nuk vepron. AKSK ta ndërpresë, ta gjejë nga vjen burimi. Ta ndërpresë atë fijen e këtij linku që vjedh qytetarët shqiptarë, siç ndërpreu Tik Tok-un”,-u shpreh Muçi./CNA





Lajmet e fundit nga