web counter
LEXO PA REKLAMA!

SHKARKO APP

App Store
Google Play

E fundit!

x

Banorët e 5 Majit sërish në protestë/ Përplasen me policinë

12 Shkurt 2022, 17:29, Aktualitet CNA

Banorët e 5 Majit, Laprakës dhe Paskuqanit po mbajnë protestën e radhës ku janë rapotuar edhe përplasje mes banorëve dhe efektivëve të policisë.

Banorët  kanë marshuar nga banesat e tyre drejt kryqëzimit ku ndodhet tregu i Medresesë duke tentuar të bllokojnë trafikun.

 ?Zoti Rama nuk na dha asnjë zgjidhje. Mirë që nuk na dha zgjidhje, por as nuk na dëgjoi. Përrallisi çfarë kishte për të përrallisur dhe vazhdoi punën e tij si gjithmonë. Zoti Mazniku na tregoi prapë që kemi kasolle dhe zotit Mazniku i jam përbetuar që do e çoj në burg, me aq mundësi sa do kem në anën ligjore,? u shpreh një banore për mediat.

Banorët e 5 Majit kallëzuan kryeministrin Edi Rama, kryebashkiakun Erion Veliaj dhe 8 zyrtarë të tjerë  për shembjen e banesave në atë zonë.

Protestat kanë nisur që prej 19 janarit kur nisi shembja e banesave të para. Siç ka ndodhur edhe më parë, banorët e Laprakës dhe Paskuqanit nuk kanë munguar as në këtë protestë.

Në zonën e ?5 Majit? pritet të shemben rreth 400 banesa të cilat preken nga projekti për rindërtimin pas tërmetit si dhe rikualifikimit urban./E.T-CNA.al

 





Lajmet e fundit nga