web counter
LEXO PA REKLAMA!

SHKARKO APP

App Store
Google Play

E fundit!

x

Zjarrfikësit kërkojnë rritje pagash/ Paralajmërojnë Qeverinë

12 Shkurt 2022, 09:43, Aktualitet CNA

Zjarrrfikësit kërkojnë rritje pagash sidomos pas përballjes verën e kaluar me zjarret.

Sindikata e zjarrfikësve del me këtë kërkesë, në mënyrë që të vlerësohen nga Qeveria ashtu si policia dhe burgjet, punonjësit e të cilëve iu janë rritur pagat.

?Durimi nuk mund të zgjasë përgjithmonë!  Nisur nga veprimet dhe mosveprimet e disa personave, të cilët vazhdojnë të punojnë në dëm të shërbimit zjarrfikës, që kthejnë dhe rikthejnë VKM-të, duke krijuar vonesa të pajustifikueshme në dëm të gjithë shërbimit zjarrfikës, Sindikata e PMZSH shpreh indinjatën më të madhe, indinjatë e cila përforcohet nga mungesa e të ardhurave financiare, të punonjësve të shërbimit zjarrfikës.

Një pakënaqësi është mos-pagesa e orëve të natës, megjithëse kjo kërkesë u kalua me aprovim në mbledhjen në Ministrinë e Brendshme. Por edhe mos-miratimi i VKM nr.350 nga qeveria, përbën një prej pakënaqësive të cilat nuk mund të anashkalohen më.

Na japin kafshatën e bukës, por na kanë marrë jetët peng! Theksojmë se kjo indinjatë, shumë shpejt do të ngrihet në një nivel tjetër?, thuhet në deklaratën e sindikatës së zjarrfikësve.

Shërbimi zjarrfikës ka një ligj të ve?antë dhe si? janë ushtarakët kanë status të ve?antë. Në këtë kontekst përmes një VKM-je (350. Dt. 19.04.2017), ata marrin pagën mujore ku masa e saj përcaktohet sipas gradave që kanë. Nuk ka ndryshuar kjo VKM, dhe për rrjedhojë as pagat.

Ndërsa VKM 203.dt. 10.04.2019 është detyrim me ligj i cili përcakton kriteret e masës së përfitimit me apo pa pagesë.

Sipas VKM numër 203 po punove natën paguhesh 150% , por kodi i punës flet qartë dhe thotë nga ora 19:00 deri në 22:00 paguhesh 120%, nga ora 22:00 deri 06:00 mëngjesit paguhesh 150%. Shuma është rreth 70 mijë lekë të vjetra. 

Ndaj zjarrfikësit kërkojnë rritjen e pagave siç ju  janë rritur policisë dhe burgjeve, të cilët edhe këta kanë qenë në një iniciativë të përbashkët dhe në fund policia dhe burgjet morën shtesë, ndërsa zjarrfikësit jo./CNA.al





Lajmet e fundit nga