web counter
LEXO PA REKLAMA!

SHKARKO APP

App Store
Google Play

Shembja e shtëpive/ Banorë e 5 Majit "çojnë" Qeverinë në SPAK

11 Shkurt 2022, 10:20, Aktualitet CNA

Të revoltuar me shtetin, banorët e shtëpive të dëmtuara të lagjes ?5 Maji? në Tiranë, kanë depozituar këtë të premte një kallëzim në SPAK, për disa  anëtarë të kabinetit qeveritar.

Avokatja Adriana Kalaja, në një deklaratë për mediat theksoi se se deri më tani nuk është arritur asnjë aktmarrëveshje mes banorëve dhe qeverisë për prishjen e banesave. Ajo shtoi më tej po ashtu se ajo çfarë iu është ofruar banorëve është diskriminuese dhe mbi të gjitha e babazuar në ligj. Ajo e quajti vendimin për prishjen e banesave një shkelje flagrante.

?Sipas nesh e gjitha nisi me VKM 78 të janarit të 2020 që ka në fokusin e saj rindërtimin. Aktmarrëveshja që i është drejtua banorëve është diskriminuese, e pabazuar në ligj. Ajo nuk merr në konsideratë interesat e banorëve dhe nuk ka afat se kur do të japë efektet. Ligji e përcakton qartazi se duhet të ketë një vendim prishje. Vendim prishje që e kemi konsideruar shkelje flagrante. Kemi kallëzuar dhe kryetarin e kadastrës, pasi ka kthyer përgjigje negative në shpërdorim të detyrës, se banorët nuk mund të legalizohen. Të gjithë komponentët që kemi parashtruar para SPAK, besoj do të hetohen”, është shprehur ajo.

Avokatja theksoi më tej se kanë kërkuar nga Prokuroria e Posaçme të bëjë sekuestron preventive dhe të ndalë aksionin për shembjen e banesave deri në sqarimin e planit./CNA.al





Lajmet e fundit nga