web counter
LEXO PA REKLAMA!

SHKARKO APP

App Store
Google Play

E fundit!

x

Hetimi për inceneratorët/ Paralajmëron Tabaku: Ka edhe të tjerë përfitues, emrat publik në ditët në vijim

12 Shkurt 2022, 16:57, Aktualitet CNA

Kryetarja e komisionit hetimor për inceneratorët Jorida Tabaku, ka paralajëmruar se në ditët në vijim do të nxjerrin të tjerë emra me dëshmitarë se kanë qenë përfitues në këtë aferë korruptive.

E ftuar në Kjo Javë, Tabaku theksoi se në rastin e inceneratorëve korrupsioni është i faktuar.

Ndër të tjera Tabaku sqaroi edhe kërkesën e komisionit që ajo drejton për të thërritur si dëshmitar kryeministrin Edi Rama.

?Korrupsioni mund të duket edhe si normalitet te njerëzit, por te inceneratorët, korrupsioni është i provuar. Është provuar jo vetëm procedura korruptive por edhe fakti se ku kanë shkuar paratë. Ne me këtë kemi dështuar gjithmonë, kemi dështuar të tregojmë që personi vendimmarrës në këtë rast Lefter Koka ka qenë pronari përfitues sepse është provuar që ka marrë 4 mln euro. Alqi Bllako, pronar përfitues është provuar që i ati i tij, është paguar në mënyrë periodike.

Në ditët në vijim unë do të tregoj me dëshmitarët që ka persona të tjerë që janë persona përfitues, pronarë përfitues te inceneratori, nuk ka absolutisht asgjë të fryrë. Dhe unë i kam të provuara të gjitha me fakte e shkresa. Raporti i KLSH nisi për 90 mln euro dhe përfundon në 430 mln euro. Ne duhet të kujtojmë që sot 430 mln euro mund të bënin tre akse kryesore rrugore në Shqipëri. KLSH ka faktuar se edhe kostot janë 3-4 herë më të fryra.? u shpreh Tabaku./E.T-CNA.al





Lajmet e fundit nga