web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet rrjeti propagandistik rus kundër Richard Grenell në Ballkan/ E përfshirë edhe Evi Kokalari Angelakis

4 Shtator 2025, 12:35, Aktualitet CNA
Zbulohet rrjeti propagandistik rus kundër Richard Grenell në Ballkan/
Evi Kokalari

Gazetari Fitim Çeku ka kryer një investigim intensiv që ka zgjatur disa muaj, që lidhet me një rrjet të gjerë propagande kundër Richard Grenell.

Gazetari zbuloi se pas këtij rrjeti qëndron një grup i strukturuar spiunazhi rus që vepron në Ballkan dhe Europë.

Media “Kosovo Online” shkruan se përmes një postimi në rrjetin social “X”, gazetari Fitim Çeku shkroi se në fund të vitit 2024, një agjent i afërt me FSB-në e Rusisë, Halit Sahitaj, krijoi një grup njerëzish në mediat sociale, përfshirë Evi Kokalarin, Vudi Jimshitin dhe një grup agjentësh sekretë në Ballkan, të cilët përhapnin propagandë kundër ish-ambasadorit Richard Grenell.

“Ky hetim gazetaresk arriti të zbulojë dhe regjistrojë shumë biseda që konfirmojnë dhe ekspozojnë këtë grup, i cili promovon agjentë antiamerikanë në Ballkan. Në një regjistrim audio, Halit Sahitaj, një agjent i dyshuar i FSB-së ruse, ekspozohet dhe pranon se ka inkurajuar propagandën kundër Richard Grenell, madje duke përdorur edhe shtetasen shqiptaro-amerikane Evi Kokalari”, vuri në dukje Çeku, shkruan "Kosovo Online".

Gazetari thekson se në audio-incizimin që publikoi edhe ai, Halit Sahitaj thotë se po punon për të parandaluar Richard Grenell të marrë ndonjë pozicion në administratën e Donald Trump, ndërsa audio-incizime të tjera vërtetojnë se ai e përdori grupin për të krijuar narrativa kundër Grenell.

Sipas Çekut, në ditët në vijim do të publikojë më shumë audio-incizime që zbulojnë këtë rrjet propagandistësh.

“Tashmë kemi disa denoncues që do të flasin hapur për këtë skemë dhe do të tregojnë të vërtetën”, ka deklaruar Çeku, sipas "Kosovo Online"./ CNA





Lajmet e fundit nga