web counter
LEXO PA REKLAMA!

SHKARKO APP

App Store
Google Play

Kritikat për Draftin e Kodit Penal/ Rakipi: Është dokumenti më i mirë që ju është paraqitur, por ka vend për përmirësim

4 Shtator 2025, 11:12, Aktualitet CNA

Kritikat për Draftin e Kodit Penal/ Rakipi: Është dokumenti

Drejtori i Shkollës së Magjistraturës, Arben Rakipi, në tryezën me përfaqësues të mediave ka shpjeguar procedurën e hartimit të Draftit të Kodit Penal. Ndër të tjera, Rakipi ka ftuar grupet e interesit që të japin kontributin e tyre për konkludimin e këtij ligji.

Rakipi, duke iu përgjigjur indirekt kritikave, është shprehur se ka vend për përmirësim.

"Dokumenti në fjalë është dokumenti më i mirë që i është paraqitur publikut. Elementi i parë është depenalizimi i veprave, i dyti dënimi dhe masa e tij.

Të rëndësishme janë lëndë që nuk kanë përdorim në realitetin shqiptar dhe nuk gjenden ekspertë, ndaj duhen teknicienët përkatës ashtu edhe redaktimi. Në këto elementë projekti duhet të përmirësohet. Shpreh vullnetin që kontributi të jetë i të gjithëve.

Depenalizimi i veprave nuk është thjesht qëndrim politik, qëndrim politik është votimi në parlament deri aty nuk duhen anashkaluar elementë si frekuenca e krimit, rastin e ndodhjes, niveli i kriminalitetit. Në shumicën tonë unanime këto vepra duhen penalizuar, por duhen bërë sondazhe si p.sh. a ia vlen të depenalizohet bigamia apo pirja e alkoolit në publik?

Duam të depenalizojmë eutanazinë apo prostitucionin për të cilat nuk është folur fare.

Debati duhet kryer mbi faktin nëse veprat duhen depenalizuar ose jo.

Të njëjtën gjë dua të them edhe për dënimin.

Burimi i parë ku jemi bazuar është Kodi aktual, praktika gjyqësore, vepra të ngjashme të penalizuara nga legjislacione të ndryshme, direktivat që përcaktojnë dysheme dhe tavane të dënimit sipas shteteve, burim tjetër është eksperienca e anëtarëve të grupit të punës që secili ka eksperiencë", u shpreh Rakipi./CNA

 

 





Lajmet e fundit nga